LUKAS 12:1 - BALA LUK DO'

¹ Kareb tuda'-tuda' ngeribu lemulun nepamung, padideh meradu' seburur dengan lun baken, idi Yésus nepebala kuan anak-anak sekola'Neh atun, “Matar burur muyuh ratnan lamud lun Parisi, ieh ineh siayu.

LUKAS 12:1 Iomraidhean Croise

RACA'-RACA' LUK KEDUEH 7:17

Idi lun tareh luk megéi' maya' raca' pangeh icukneh iné' nginita tanga' bawang. Idi lun nengeradu'-ngeradu' neneh munung tanga' ineh pad ieh naté, maya' kudeng luk bila Elisa kareb raca' iné' matun neneh.

AYUB 20:5

lemulun luk dat na mio mawang niat.

AYUB 27:8

Anunké rapet lemulun luk na manu kareb Allah ngalap niatdeh?

AYUB 36:13

Lemulun luk na maya' Allah megéi' museh, idi kareb ideh kumin ideh na mutuh pedengan.

YESAYA 33:14

Lun Sion luk mesala' megegker ku totdeh. Kebaladeh, “Ukum Allah mepad kudeng apui luk ngeseb ruked-ruked. Miakké seburur rat arang tau mepuit ratnan apui luk kudeng ineh?”

LUKAS 11:44

Mesusa' kuan muyuh! Muyuh mepad kudeng tanem luk na melagan, idi lemulun luk nalan pa luunneh na kali' neneh.”

LUKAS 12:56

O muyuh lun luk siayu, muyuh kali' ngelio ratnan ayu tana' idi langit, iamo' kudeng apehké muyuh na miak kali' ngelio bang kareb ini?

LUKAS 5:1

Kareb lun mula' ineh nengerieng Yésus sikal ninger bala Allah, kareb Ieh netuped déi' tangeb Takung Genésaret,

LUKAS 5:15

Iamo' meluun mepiar bala ratnan Yésus, idi pelaba ula' lemulun nepamung sikal ninger balaNeh idi pian uen ngedo' ratnan étdeh.

LUKAS 6:17

Yésus netemurun maya' nedeh, idi Ieh netuped su luk meraked, dengan tuda'-tuda' ula' anak sekola'Neh. Idi lun mula' nacing rat Yudia, Yerusalim, idi rat tangeb abpa' rayeh luk muneng ku Sur idi Sidon. Ideh nacing sikal ninger bala Yésus pad ideh uen ngedo' ratnan étdeh.

KEKAMEN RASUL-RASUL 21:20

Kareb ideh pangeh neninger bala Paulus, ideh nengerayeh Allah idi nepebala neneh, “O kinanak, siruh! Inan tuda'-tuda' ngeribu lun Yahudi luk pangeh manu, iamo' amung-amungdeh ineh mepicet ngimet Ukum Musa.

1 KORINTUS 15:3

Ui nengacing kuan muyuh luk pangeh ilapku, ieh ineh luk meluun do': ratnan Keristus ineh naté ngaceku sala' tau petulu dengan bala Surat Allah,

IBERANI 12:22

Iamo' muyuh pangeh nacing déi' Pegkung Sion, idi bawang Allah luk mulun, ieh ineh Yerusalim luk déi' surga, dengan tuda'-tuda' ngeribu melaikat pana'.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

1 PETRUS 2:1

Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat.