LUKAS 11:9 - BALA LUK DO'

⁹ Idi Ui pebala nemuyuh teh: Do' mutuh, idi miak barén nemuyuh; do' nakap, idi muyuh miak ngalap; nateg tanga', idi tanga' miak kabin kuan muyuh.

LUKAS 11:9 Iomraidhean Croise

NANI UBUR 118:5

Bang susa'ku ui nenawar Tuhan; Ieh nengua' putuhku idi nemuit negku.

NANI UBUR 27:4

Sebuleng mo' luk pinutuhku ratnan Tuhan; sebuleng mo' luk pianku: ieh ineh mudeng bang ruma' Tuhan ruked ulunku, pad mawa ku do'Neh, idi mutuh pedengan rat Neneh.

NANI UBUR 27:8

KebalaMu, “Amé' Negku.” Idi ui sikal amé' Namu, O Tuhan;

NANI UBUR 34:10

Balang pana' masi' akan idi melau teh, iamo' lemulun luk merapet inan Tuhan na luk idi asi'deh.

NANI UBUR 34:4

Ui nesembayang inan Tuhan, idi Ieh nengua' kuanku; Ieh nemuit negku ratnan amung totku.

NANI UBUR 50:15

Nawar Negku kareb inan susa'; Ui miak ngulun namu idi iko miak ngubur Negku.”

NANI SELIMUN 5:6

Idi ui nengukab tanga' kuan awaku, iamo' ieh pangeh neburo. Ui pelaba geregan ninger uni tangneh! Ui nenakap neneh, iamo' na ieh kali'ku; idi ui nenawar neneh, nateh ieh idi.

YESAYA 45:19

Ui na nengalum balaKu idi nengelinged terawéKu. Ui na nengecuk pupuKu Israil nakap Negku mo'-mo' bang su luk medacem. Ui ini Tuhan idi Ui pebala luk matu. Ui ngegala' luk matu.”

YEREMIA 29:12

Kareb ineh muyuh miak nawar Negku idi sembayang mutuh rat Negku, idi Ui miak ngua' sembayang muyuh.

YEREMIA 33:3

“Nawar Negku, idi Ui miak ngor balamu, idi ngegala' kuanmu kekamen luk pelaba do' idi luk inan mawa luk nateh nekali'mu.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

MATIUS 21:22

Idi amung-amung luk pituen muyuh bang sembayang, kudeng muyuh manu, muyuh miak ngalap ineh teh.”

MATIUS 21:31

Sapehké rat arang dueh anak ineh luk nemaya' pian tamanneh?” Idi keburi'deh Neneh, “Seluk atun.” Idi Yésus nepebala nedeh, “Ui pebala nemuyuh, lemulun luk ngamang usin pupuk idi decur-decur luk mesawa' semuet bang Imet Allah pa atun muyuh.

MATIUS 6:29

Iamo' Ui pebala nemuyuh: Selimun, sagan tu pana' lun do', na nengayung ku luk do' kudeng sebuleng busak ini.

MARKUS 11:24

Ngaceku ineh Ui pebala nemuyuh: Amung-amung luk pian pituen muyuh bang sembayang, do' muyuh manu idi muyuh pangeh nengalap ineh, pad amung luk pituen muyuh miak barén nemuyuh.

MARKUS 13:37

Luk belénKu nemuyuh kudeng ineh teh luk belénKu kuan amung-amung lemulun: Matar do'-do'!”

LUKAS 11:10

Ngaceku anid-anid lemulun luk mutuh miak ngalap; idi lemulun luk nakap miak kali', idi kuan lemulun luk nateg, tanga' ineh miak kabin.

YAHYA 14:13

Idi anun-anun pana' luk pituen muyuh bang ngadanKu, Ui miak ngua' neneh, pad Taman uen ngerayeh bang Anak.

YAHYA 15:16

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

YAHYA 15:7

Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh.

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

2 KORINTUS 6:2

Ngaceku Allah pebala, “Kareb aco luk petulu Ui neninger balamu. Idi kareb aco ulun Ui nengedengan namu.” Setuneh nekini karebneh luk petulu ineh, idi matu aco ulun pangeh macing.

IBERANI 11:6

Seburur pana' na miak ngawang niat Allah kudeng na luk idi anu. Ngaceku lemulun luk amé' matun Allah ineh na miak na manu ratnan Allah ineh idi, idi Ieh maré tabpar kuan lemulun luk nakap Neneh.

IBERANI 4:16

Ngaceku ineh do' tau amé' matun kerusi katu Allah dengan niat luk mekuu', pad tau ngalap éi' idi katu luk ngedengan netau bang kareb luk petulu.

YAKUB 1:5

Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

YAKUB 5:15

Sembayang ini luk dinengan anu miak ngedo' lemulun luk mét ineh, idi Tuhan miak nui neneh; idi kudeng ieh pangeh nenganau' sala' idi ieh miak ngalap do' ratnan sala'neh.

1 YAHYA 3:22

Anun-anun luk pituen tau, tau miak ngalap rat Neneh, ngaceku tau maya' amung-amung ukumNeh, idi nganau' anun-anun luk petulu denganNeh.

BALA LUK LINIO 2:24

“Iamo' muyuh lun baken luk déi' Tiatira na nemaya' bada' luk dat ineh. Muyuh na nesibada' luk titen lun baken ‘Kekamen Sétan luk medalem.’ Ui pebala nemuyuh, na Ui ngerareng babeh luk baken luun muyuh.