LUKAS 11:53 - BALA LUK DO'

⁵³ Kareb Yésus neremuat rat déi', idi guru-guru Ukum idi lun Parisi ineh pana', nengimun ngedat Neneh, idi nengitun Neneh ratnan tuda'-tuda' itun,

LUKAS 11:53 Iomraidhean Croise

YESAYA 9:12

Siria luk pa busat aco idi Pilistin luk pa acep aco tenganga' tang pian nelen Israil. Iamo' useh Tuhan na ugka', idi ticu'Neh tutang pian ngukum.

YEREMIA 18:18

Idi kebala lun mula', “Do' tau nala' ni Yeremia! Inan teh imam-imam luk miak mada' netau, idi lun mileh luk ngubuk netau, idi nabi-nabi luk miak mada' bala Allah. Do' tau ngadu' neneh, idi aleg ninger bada'neh.”

YEREMIA 20:10

Ui ninger lun mula' payek-payek. “Inan Luk Katot Iapeh-Iapeh.” Kebaladeh, “Do' tau ngadu' neneh!” Lun rurumku pana' pian ku ui mebpeh. Kebaladeh, “Miak ieh uen naluk lek. Do' tau ngakem neneh idi ngua' datneh.”

LUKAS 11:52

“Mesusa' kuan muyuh, O guru-guru Ukum! Taka luk ku ngukab ruma' ileh dinug muyuh. Muyuh sebuleng na semuet, idi muyuh mebpeng lemulun luk sikal semuet.”

LUKAS 11:54

idi nganét Neneh, sikal nganau' abpung kuanNeh, pad ideh miak ngesala' balaNeh.

LUKAS 20:20

Idi ideh nenganét aceh kareb luk petulu nuap tuda'-tuda' lemulun luk amé' nier, luk siayu mepad kudeng lemulun luk matu, sikal nuuk Yésus, pad ideh miak maré Neneh kuan lun rayeh idi lalud lun luk ngimet ukum.

LUKAS 20:27

Tuda'-tuda' lun Saduki iné' matun Yésus. (Ideh mala na luk idi tui ratnan até.) Idi ideh nengitun Neneh,

KEKAMEN RASUL-RASUL 26:9

“Atun ui sebuleng nengerawé petulu ui nganau' tuda'-tuda' kekamen pad metueh ratnan ngadan Yésus lun Nasarét ineh.

1 KORINTUS 13:5

Awa ineh na nganau' luk na petulu; na nakap luk kuan bururneh sebuleng; na megateh niat; na ngerawé sala' dulun.

2 KORINTUS 8:6

Ngaceku ineh kai nengecuk Titus nutum kekamen ini luk tinimunneh, idi ngedengan nemuyuh pad muyuh ngeriput kekamen mawa ineh.