LUKAS 11:49 - BALA LUK DO'

⁴⁹ Ngaceku ineh teh Ileh Allah nepebala, ‘Ui ngecuk nabi-nabi idi lun duken kuandeh, idi sebuangdeh miak pitayen, idi sebuangdeh miak uendeh ngedereh.’

LUKAS 11:49 Iomraidhean Croise

YEREMIA 7:25

Rat kareb tepun muyuh neremuat rat bang bawang Masir macing aco sini, na Ui ugka' maré demulunKu lun nabi.

MATIUS 22:6

Lun baken teh nengakem demulun raca' ineh, idi nemebal nedeh, idi nengaté nedeh.

LUKAS 11:48

Muyuh sebuleng ngamo ratnan muyuh na dat niat ku kekamen tepun muyuh ineh, ngaceku ideh luk ngaté nabi-nabi, idi muyuh luk nganau' tanemdeh.

LUKAS 24:47

idi bang ngadanNeh miak badén dalan uren idi do' ratnan sala' kuan amung-amung pupu, ngimun rat Yerusalim.

YAHYA 16:2

Idi muyuh miak uen lun masut rat bang ruma' sembayang. Matu, karebneh miak macing, idi idé-idé luk ngaté nemuyuh miak ngerawé ieh nganau' luk do' kuan Allah.

KEKAMEN RASUL-RASUL 1:8

Iamo' muyuh miak mepanu' ku lalud kareb Roh Meligan temurun luun muyuh, idi muyuh miak mangun ku lun nekali' Negku, do' déi' Yerusalim, do' aput tana' Yudia idi Samaria pad macing iring tana'pana'.”

KEKAMEN RASUL-RASUL 11:27

Idi kareb ineh tuda'-tuda' nabi rat Yerusalim iné' déi' Antiokia.

KEKAMEN RASUL-RASUL 22:20

Kareb Stepanus, lun luk nekali' Namu pinaté, idi ui idi déi' idi neperurum nedeh luk nengaté neneh, idi nengimet ayungdeh.’

KEKAMEN RASUL-RASUL 7:57

Iamo' ideh nengitang, idi nengang laliddeh, idi ideh peranga' nedupeh neneh.

KEKAMEN RASUL-RASUL 8:3

Iamo' Saul nengedereh sidang ineh. Ieh nesemuet bang anid-anid ruma' idi nengeruid lemulun, deléi idi decur pana', idi nemaré nedeh bang tutup.

1 KORINTUS 1:24

Iamo' kuan lemulun luk tinawar, do' lun Yahudi idi lun pupu baken pana', Keristus ineh lalud Allah idi ileh Allah.

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

EPESUS 4:11

Ieh luk maré baré-baré kuan lemulun. Ieh nengiding sebuang lemulun mangun ku rasul-rasul, sebuang mangun ku nabi-nabi, sebuang mangun ku lun mada' Bala luk Do', idi sebuang mangun ku gembala idi guru.

KOLOSE 2:3

Keristus ineh taka luk ngukab amung-amung ileh idi do' kali' Allah luk inalum mepad kudeng binaweh luk meraga.

BALA LUK LINIO 16:6

Ideh nengutang dara' lun manu idi nabi-nabi teh, idi Iko pangeh nemaré nedeh ngirup dara'. Luk kudeng ineh petulu ku amung-amung luk pangeh kikemdeh!”

BALA LUK LINIO 18:20

O surga, do' iko mawang niat ngaceku usagneh ineh! O lun manu, rasul-rasul idi nabi-nabi, do' muyuh mawang niat, ngaceku Allah pangeh nengukum neneh ngaceku luk inau'neh nemuyuh.