LUKAS 11:48 - BALA LUK DO'

⁴⁸ Muyuh sebuleng ngamo ratnan muyuh na dat niat ku kekamen tepun muyuh ineh, ngaceku ideh luk ngaté nabi-nabi, idi muyuh luk nganau' tanemdeh.

LUKAS 11:48 Iomraidhean Croise

INUL LUK KEDUEH 36:16

Iamo' ideh nesitunga nelun luk icuk Allah ineh. Idi ideh nengesala' amung baladeh. Idi ideh meriruh inan amung nabiNeh, pad Tuhan pelaba useh nedeh, idi usehNeh ineh na miak uen ngagka'.

AYUB 15:6

Baken ui luk ngukum namu; iamo' balamu sebuleng luk ngukum namu.

NANI UBUR 64:8

Ieh miak ngaté nedeh ngaceku baladeh; amung-amung luk nier nedeh miak situnga idi tuka'-tuka' uluhdeh.

YEHISKIEL 18:19

“Iamo' kebalamu, ‘Ngudehké anakneh na kumin ngaceku sala' tamanneh?’ Ngaceku anakneh megéi' nganau' luk matu idi luk do'. Ieh nengimet ukumKu idi nemaya' amung-amung bada'Ku. Idi kali' rungen ieh miak mulun.

MATIUS 23:27

“Mesusa' kuan muyuh guru-guru Ukum idi lun Parisi! Lun luk siayu! Muyuh mepad kudeng tanem batu luk sinat ku apur, sagan pana' do' ayu luunneh, iamo' bang lubang mepanu' ku tulang-tulang lun naté idi puar-puar luk nan megeni'.

MATIUS 23:31

Matu muyuh ngamo ratnan muyuh inul lemulun luk nengaté nabi-nabi atun!

LUKAS 11:47

Mesusa' kuan muyuh ngaceku muyuh nganau' tanem nabi-nabi, iamo' tepun muyuh nengaté nedeh.

LUKAS 11:49

Ngaceku ineh teh Ileh Allah nepebala, ‘Ui ngecuk nabi-nabi idi lun duken kuandeh, idi sebuangdeh miak pitayen, idi sebuangdeh miak uendeh ngedereh.’

SURAT LUK BIRE PAULUS KUAN LUN RUM 1:32

Ideh kali' ukum Allah luk pebala ratnan lemulun luk nganau' kudeng ineh na miak na mekaneh ukum maté. Iamo' baken ideh nganau' kudeng ini mo', iamo' ideh perurum dengan lemulun luk nganau' kudeng ineh teh.

YAKUB 5:10

O kinanak-kinanakku, do' ngerawé dalan susa' idi ulai niat amung-amung nabi luk pangeh nepebala dengan ngadan Tuhan.

YUSAK 24:22

Idi kebala Yusak nedeh, “Muyuh mangun ku luk maré kali' kuan burur muyuh sebuleng ratnan muyuh pangeh nemili' Tuhan.” Idi kebaladeh, “Kai ini lun luk maré kali'.”