LUKAS 11:45 - BALA LUK DO'

⁴⁵ Idi kebala seburur guru Ukum Neneh, “O Guru, dengan bala luk kudeng ineh Iko ngedat nekai teh.”

LUKAS 11:45 Iomraidhean Croise

RACA'-RACA' LUK PUN-PUN 22:8

Kebala Raca' Akab, “Inan teh seburur luk miak tunin tau, ieh ineh Mikaya Imla, iamo' ui megateh neneh, ngaceku sesuut pana' nateh balaneh do' negku. Iamo' ieh pelaba dat bala.” Idi kebala Yosapat, “Aleg iko pebala kudeng ineh.”

YEREMIA 20:8

Kareb ui pebala, ui megéi' ngitang “Susa' idi Até!” O Tuhan, ideh situnga negku kidi-kidi ngaceku ui mada' balaMu.

YEREMIA 6:10

Idi kebala Yeremia, “Idé luk miak ninger balaku, kareb ui pebala idi mada' nedeh? Ideh mapen laliddeh ara' ninger balaMu; ideh situnga ku balaMu.

MATIUS 22:35

Idi inan sebuleng rat arangdeh, ieh ineh guru Ukum, idi ieh nengitun Yésus, sikal nutun Neneh, keburi'neh,

LUKAS 11:46

Idi kebala Yésus, “Mesusa' kuan muyuh teh, O guru-guru Ukum! Muyuh ngerareng pa luun lemulun babeh luk meberat idi luk mikat baben, iamo' muyuh sebuleng dengan sebuleng bua' ticu' muyuh pana' na sikal ngakem babeh ineh.

LUKAS 11:52

“Mesusa' kuan muyuh, O guru-guru Ukum! Taka luk ku ngukab ruma' ileh dinug muyuh. Muyuh sebuleng na semuet, idi muyuh mebpeng lemulun luk sikal semuet.”

LUKAS 7:30

Iamo' lun Parisi, idi guru-guru Ukum nengarung pian Allah kuan bururdeh sebuleng, ngaceku ideh na rireb Yahya.

YAHYA 7:48

Inanké muyuh nekali' seburur lun rayeh kian lun Parisi lek, luk manu Neneh?

YAHYA 7:7

Uang tana' ini na megateh nemuyuh iamo' ieh megateh Negku, ngaceku ui ngegala' ratnan amung-amung kekamendeh luk dat.

YAHYA 9:40

Tuda'-tuda' lun Parisi luk idi denganNeh déi' neninger bala ini idi nepebala Neneh, “Iko ngerawé kai mebuserké?”