LUKAS 11:42 - BALA LUK DO'

⁴² “Mesusa' kuan muyuh, O lun Parisi! Muyuh maré babpat pulu' ratnan bawing idi karid pét, idi amung-amung irin pana', iamo' muyuh pangeh nengelaba ukum idi awa Allah. Petulu muyuh nganau' amung ineh, iamo' aleg necan luk baken.

LUKAS 11:42 Iomraidhean Croise

NEHEMIA 10:37

Kai miak nguit amé' matun imam-imam bang Ruma' Allah banak luk pinuar ratnan padé luk pun piranih anid-anid lak, idi amung baré luk baken ratnan abpa' anggur, umau saitun, idi bua' luk baken-baken teh. Kai miak nguit amé' matun lun Liwi luk ngamung babpat pulu' bang bawang kai, babpat pulu' ratnan tibu kai.

BALE' 21:3

Kekamen lemulun luk matu idi mesiri, meluun do' pa kiung Tuhan ratnan maré baré.

LUN LUK MADA' 7:18

Do' ngalap terawé luk muned. Kudeng iko matot inan Allah, luk ruenmu miak mangun.

MIKA 6:8

O lun muyuh, Tuhan pangeh nemada' nemuyuh ratnan luk do'. Kudeng ini luk dukenNeh nemuyuh: nganau' luk mesiri, idi do' lutep bang awa. Maya' Allah muyuh dengan mebeneh niat.

MALAKI 1:6

Kebala Tuhan luk Melalud kuan lun imam, “Anak ngedita' tamanneh id demulun matot nelun luk kuan neneh. Ui ini taman muyuh, ngudeh muyuh na ngedita' Negku? Ui luk kuan nemuyuh—ngudeh muyuh na matot Negku? Muyuh ngedat Negku, iamo' kebala muyuh, ‘Kudeng apehké kai nengedat Namu?’

MALAKI 2:17

Tuhan musam ninger bala muyuh. Iamo' kebala muyuh, “Musam ngudeh Ieh lek?” Ngaceku muyuh mala, “Tuhan luk Melalud ngerawé amung lun mesala' do', idi mawang niat nedeh.” Idi teh muyuh mala, “Iapeh Allah luk ruendeh matu di?”

MALAKI 3:8

KebalaKu, Petuluké selemulun naluk Allah? Na tu-tu! Iamo' muyuh naluk Negku Kudeng apeh? Ratnan babpat pulu' idi baré muyuh.

MATIUS 23:13

“Mesusa' kuan muyuh guru-guru Ukum idi lun Parisi, lun luk siayu! Muyuh ngitek tanga' Imet surga kuan lun baken, ngaceku muyuh sebuleng na sikal semuet, idi muyuh mebpeng nelun baken luk sikal semuet teh.

MATIUS 23:23

“Mesusa' kuan muyuh guru-guru Ukum idi lun Parisi! Lun luk siayu! Muyuh maré babpat pulu' ratnan bawing, bua' ladeh, idi kulit kayuh luk mén; iamo' luk meluun rayeh ratnan Ukum Musa, ieh ineh ukum luk matu, éi, idi anu, tican muyuh. Ini luk petulu ruen muyuh, iamo' luk baken ineh pana' aleg necan.

MATIUS 23:27

“Mesusa' kuan muyuh guru-guru Ukum idi lun Parisi! Lun luk siayu! Muyuh mepad kudeng tanem batu luk sinat ku apur, sagan pana' do' ayu luunneh, iamo' bang lubang mepanu' ku tulang-tulang lun naté idi puar-puar luk nan megeni'.

LUKAS 18:12

Ui mawa' dueh kua' bang seminggu, idi ui maré babpat pulu' ratnan amung-amung luk ilapku.’

YAHYA 5:42

Iamo' Ui kali' nemuyuh na luk idi awa Allah bang niat muyuh.

1 YAHYA 4:20

Kudeng idé lemulun luk pebala, “Ui mawa inan Allah,” iamo' ieh megateh inan kinanakneh, idi lemulun ineh mebalih, ngaceku lemulun luk na mawa inan kinanakneh luk sirenneh, idi na ieh miak mawa inan Allah luk nateh sinierneh.

SEMUIL LUK PUN-PUN 15:22

Idi kebala Semuil, “Pianké Tuhan ku luk barén sabpen idi luk kereten mepad kudeng Ieh pian ku lun luk maya' bala Tuhan? Setuneh baya' ineh meluun do' ratnan baré, idi beneh niat meluun do' ratnan ngeret dumba luk do'.