LUKAS 11:41 - BALA LUK DO'

⁴¹ Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 11:41 Iomraidhean Croise

NANI UBUR 112:9

Ieh mekatu maré kuan lun masi'; idi éi'neh meruked; ieh miak mebala idi buren.

NANI UBUR 41:1

Samal kuan lemulun luk méi' nelun masi'; Tuhan ngedengan neneh kareb ieh mesusa'

BALE' 14:31

Kudeng iko ngedereh nelun masi', iko ineh ngedat Allah luk nemudut nedeh. Iamo' kudeng iko méi' nelun masi', iko ineh ngedita' Allah.

BALE' 16:6

Do' iko méi' nelun idi lutep maya' jani', idi Allah maré do' ratnan sala' mu. Do' iko matot inan Tuhan, idi luk dat na miak macing namu.

BALE' 19:17

Kareb iko maré kuan lun masi', ieh ineh mepad kudeng kebiten Tuhan, ngaceku Tuhan ngua' luk birému ineh.

DANIEL 4:27

Ngaceku ineh, O raca', do' iko maya' bada'ku. Ugka' nganau' sala', idi nganau' luk matu; méi' kuan lun masi', pad iko uren ratnan amung-amung dat luk pangeh inau'mu, idi iko miak uen ngeperuan peh.”

MATIUS 26:11

Ngaceku lun masi' megéi' idi dengan muyuh; iamo' Ui ini na megéi' idi dengan muyuh.

MATIUS 5:42

Maré kuan lemulun luk mutuh namu, idi kudeng lemulun sikal ngabit rat namu, do' maré luk pianneh.

MARKUS 7:19

Ngaceku baken ieh semuet bang niat, iamo' bang batek, idi miak remuat bang temaba'.” (Dengan luk kudeng ineh Yésus nengamo amung luk kenen ineh meligan.)

LUKAS 12:33

Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 16:9

Idi teh kebala Yésus, “Ui pebala nemuyuh: nganau' lun rurum kuan burur muyuh sebuleng dengan binaweh tana' ini luk na matu ineh; idi kareb binaweh tana' ini metutu' rat nemuyuh, muyuh miak lapen amé' bang ruma' luk meruked.

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

LUKAS 19:8

Sakius netuped idi nepebala inan Tuhan, “Sebuang ratnan binawehku, O Tuhan, ui maré kuan lemulun luk masi', idi kudeng ui pangeh nengalap binaweh dulun dengan naluk, ui maré lemubed apat kua' kinula'neh.”

KEKAMEN RASUL-RASUL 10:15

Iamo' tang ineh nepebala sekua' teh, “Luk pangeh biru' Allah aleg iko mala neneh dat.”

KEKAMEN RASUL-RASUL 11:29

Idi anak-anak sekola' ineh pana' neperurum sikal maré luk baréndeh kuan amung-amung kinanakdeh luk déi' bawang Yudia maya' kinula' binawehdeh.

KEKAMEN RASUL-RASUL 24:17

“Idi pangeh tuda'-tuda' lak muci ratnan ui nenecan Yerusalim idi ui iné' sikal nguit luk barén mo' kuan pupuku, idi teh luk barén kuan Tuhan.

2 KORINTUS 8:12

Kudeng muyuh mawang niat maré, Allah ngalap baré muyuh maya' kinula' binaweh muyuh, baken maya' luk na ilap muyuh.

EPESUS 4:28

Lemulun luk pekalai mano, do' ieh ugka' mano peh, idi meluun do' ieh merur nakap luk kuan bururneh sebuleng, pad ieh miak maré kuan lun masi'.

TITUS 1:15

Idi kuan lun luk meligan amung-amung meligan peh; iamo' kuan lemulun luk melutak idi luk na manu sebuleng pana' na meligan, ngaceku terawédeh idi teruayen niatdeh pana' melutak.

IBERANI 13:16

Idi aleg muyuh mekelupan nganau' luk do' idi méi' nelun, ngaceku baré luk kudeng ineh luk pian Allah.

IBERANI 6:10

Ngaceku baken Allah na matu, idi Ieh na mekelupan ratnan, kekamen muyuh idi awa muyuh lu ginala' muyuh kuanNeh, kareb muyuh nengasa' nelun manu atun, idi macing nekini teh.

YAKUB 1:27

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.