LUKAS 11:40 - BALA LUK DO'

⁴⁰ O muyuh lun mebacé! Bakenké Allah luk nenganau' pa luun, idi lubangneh?

LUKAS 11:40 Iomraidhean Croise

PUDUT 1:26

Idi Allah nepebala, “Do' Tau mudut lemulun maya' ayu Tau, pelé ieh ngimet amung-amung lawid, suit, pung luk melayo, idi pung luk meliput, luk rayeh idi luk isuut teh.”

PUDUT 2:7

Idi Tuhan Allah nenganau' lemulun ratnan abuh tana', idi Ieh nengiup bang icungneh, pad lemulun ineh inan niat, idi ieh mulun.

NANI UBUR 14:1

Lun luk mebacé pebala bang niatdeh, “Na luk idi Allah.” Amung-amungdeh na mesiri, idi ideh nenganau' luk pelaba dat; seburur pana' nateh luk nganau' luk do'.

NANI UBUR 33:15

Ieh nganau' amung-amung terawédeh, idi kali' amung-amung kekamendeh.

BALE' 1:22

O lun luk mebacé! Tuda' ioké muyuh mebacé? Tuda' ioké muyuh situnga nan ileh? Naké muyuh pian sibada'?

BALE' 8:5

Do' lemulun luk na mileh mangun mileh, idi lun luk mebacé sibada'.

YEREMIA 5:21

Ngerawé do'-do', O muyuh lun mebacé, luk inan mateh idi na miak nier, idi luk inan lalid idi na miak ninger.

SEKARIA 12:1

Ini aceh bala Tuhan ratnan Israil, ieh ineh Tuhan luk nemalad langit, idi luk nemudut tana' ini, idi luk nemaré niat kuan lemulun. KebalaNeh,

IAP 16:22

Idi didueh netekeradung, kesembayang didueh, “O Allah, Allah lawa amung ulun! Kudeng seburur mesala', miakké Iko museh kuan lun mula' ini?”

MATIUS 23:17

Muyuh lun mebacé luk mebuser! Anunké luk meluun rayeh lek, amas, kian Ruma' Allah luk ngeligan amas ineh lek?

MATIUS 23:26

O iko lun Parisi luk mebuser, do' iko maru' bang lubang sangkir idi bigan ineh atun, pad luunneh pana' meligan.

LUKAS 12:20

Iamo' Allah nepebala neneh, ‘O bacé! Malem ini teh ulunmu miak lapen rat namu; idéké luk ngalap amung binaweh luk dinugmu ineh?”

LUKAS 24:25

Idi Yésus nepebala nedidueh, “O lemulun luk mebacé. Muyuh mulai maya' amung-amung bala nabi-nabi ineh!

1 KORINTUS 15:36

O lun mebacé! Kareb muyuh nibu ilung bang tana', na ieh miak mulun kudeng ieh na maté.

IBERANI 12:9

Taman tau bang tana' ini nemada' netau, idi tau nengedita' nedeh. Meluun teh petulu tau ngebeneh burur tau pa kiung Taman roh ineh, pad tau ngalap ulun!