LUKAS 11:4 - BALA LUK DO'

⁴ Maré do' ratnan amung-amung sala'kai, ngaceku kai pana' maré do' kuan anid-anid burur luk mesala' pa kiung kai. Idi aleg nguit nekai amé' bang luk nutun.’ ”

LUKAS 11:4 Iomraidhean Croise

PUDUT 48:16

Do' Melaikat luk nemuit negku ratnan amung-amung luk dat, ngeperuan nedidueh, Idi do' ngadanku, idi ngadan tepunku Ibrahim idi tamanku Isak pana' mebala ngaceku didueh. Idi do' didueh mula' inul.”

RACA'-RACA' LUK PUN-PUN 8:34

idi do' Iko ninger rat déi' surga idi maré do' ku sala' pupuMu, idi nguit nedeh lemubed amé' bang bawang luk pangeh biréMu kuan tepundeh.

RACA'-RACA' LUK PUN-PUN 8:36

idi do' Iko ninger rat déi' surga, idi maré do' ku sala' raca' idi pupuMu lun Israil. Mada' nedeh ratnan dalan luk petulu béndeh, idi do' Iko maré udan luun tana'Mu luk pangeh biréMu kuan pupuMu ku babpatdeh ruked-ruked.

NANI UBUR 121:7

Tuhan miak matar namu ratnan amung-amung dereh; idi matar namu do'-do'.

NANI UBUR 25:11

Maya' jani'Mu, Tuhan, idi maré do' ratnan sala'ku luk mula' tu-tu.

NANI UBUR 25:18

Ngerawé amung gagau idi derehku; idi maré do' ratnan amung sala'ku.

DANIEL 9:19

O Tuhan, ninger sembayang kai. O Tuhan, maré do' ku sala' kai. O Tuhan ninger nekai idi nganau' luk pianMu! Pad amung-amung lemulun kali' Iko luk Allah. Aleg mio! Bawang ini idi pupu ini Iko kuan.”

HOSIA 14:2

Do' lumi inan Tuhan, idi nima' sembayang ini mangun ku aceh baré kuanNeh: “Maré do' ratnan amung-amung sala' kai, idi ninger sembayang kai, pelé kai ngubur Namu mepad kudeng luk pijani' kai.

MATIUS 18:35

Idi kebala Yésus, “Kudeng ini teh TamanKu luk bang surga sikal nganau' kuan muyuh, kudeng muyuh na sikal maré do' kuan kinanak-kinanak muyuh ratnan niat muyuh.”

MATIUS 26:41

Matar idi sembayang, pad muyuh na semuet bang tutun; sagan pana' niat muyuh geregan, iamo' burur muyuh melaya' peh.”

LUKAS 11:5

Idi kebala Yésus nan anak-anak sekola'Neh, “Idéké rat arang muyuh luk inan aceh lun rurum, idi amé' neneh kareb tangal dacem idi pebala neneh, ‘O lun rurum, maré teluh balad ruti kebitenku;

LUKAS 13:4

Kudeng apehké pulu' ualuh burur lemulun luk naté neritep ku ruma' luk medita' déi' Siloam ineh? Inanké muyuh ngerawé sala'deh meluun rayeh ratnan sala' amung lemulun luk tudo déi' Yerusalim?

LUKAS 22:46

Idi kebalaNeh nedeh, “Anunké punneh muyuh rudap? Do' muyuh tumui idi sembayang, pad muyuh na tetunin.”

LUKAS 8:13

Idi luk nebpeh luun gura' batu ineh, ieh ineh lemulun luk pangeh neninger, idi nengalap bala dengan mawang niat; iamo' lemulun ineh na uat idi ideh manu segageh mo', idi kareb luk nutun macing, petacu ideh lemubed.

YAHYA 17:15

Na Ui mutuh Namu ngalap nedeh rat bang tana' ini, iamo' pad Iko ngimet nedeh ratnan luk Dat ineh.

1 KORINTUS 10:13

Anid-anid tutun luk pekalai inan lemulun mo' pangeh nacing nemuyuh. Iamo Allah ineh lutep maya' jani', idi na Ieh nima' nemuyuh tetunin meluun ratnan tueh muyuh, iamo' dengan tutun ineh Ieh sikal nganau' aceh dalan mepuit, pad muyuh miak tuman.

KOLOSE 3:13

Do' muyuh mulai niat seburur dengan seburur idi maré do' arang muyuh sebuleng, kareb idé-idé ngadu' seburur lemulun baken. Do' muyuh maré do' arang muyuh sebuleng, mepad kudeng Tuhan pangeh nemaré do' kuan muyuh.

2 TESALONIKA 3:3

Iamo' Tuhan lutep maya' jani'. Ieh miak ngeraben nemuyuh idi matar nemuyuh ratnan Lemulun luk Dat ineh.

2 TIMOTIUS 4:18

Tuhan miak muit negku ratnan anid-anid luk dat idi miak ngulun negku pad semuet bang IemtNeh luk bang surga, idi rayeh kuanNeh ruked-ruked. Amin.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

BALA LUK LINIO 2:10

Aleg iko matot ku susa' luk macing namu teh. Siruh, Iblis sikal nuet sebuang muyuh bang tutup, pad muyuh tetunin; idi muyuh miak ngalap dereh teh bang pulu' aco kinioneh. Do' iko lutep pad macing maté, idi Ui miak maré kuanmu pata ulun ineh.

BALA LUK LINIO 3:10

Ngaceku iko pangeh nenginita bada'Ku ratnan ulai niat ineh, Ui pana' miak nginita namu ratnan tutun luk macing kuan amung uang tana' ini, idi luk nutun amung lemulun bang tana' ini.