LUKAS 11:34 - BALA LUK DO'

³⁴ Idi acang bururmu, ieh ineh matehmu. Kudeng matehmu do', kali' rungen amung bururmu pana' macang. Iamo' kudeng matehmu ineh dat, kali' rungen bururmu pana' medacem peh.

LUKAS 11:34 Iomraidhean Croise

PUDUT 19:11

Idi didueh nemuser nedeh luk muneng ku tanga' ineh, pad ideh na kali' tanga'.

NANI UBUR 119:18

Ngalat matehku, pad ui miak nier bada' luk pelaba do' bang SuratMu.

NANI UBUR 81:12

Ngaceku ineh Ui nenima' nedeh maya' tueh niatdeh, idi nganau' anun-anun luk piandeh.

BALE' 21:4

Mesido' niat idi medita' niat mangun ku tanu' lemulun luk dat.

BALE' 28:22

Lemulun luk ucet ngamung usin pian mangun ku lun do', iamo' na ieh kali' asi' denak-denak macing neneh.

YESAYA 29:10

Tuhan nenganau' nemuyuh medacep mateh; pad muyuh pian rudap.

YESAYA 42:19

Idéké luk meluun buser ratnan demulunKu, idi meluun bengel ratnan lun dukenKu?

YESAYA 44:18

Lemulun luk kudeng ineh palaba bacé, idi na kali' luk ruendeh. Ideh rudap mateh idi ngitek terawédeh pad na kali' luk matu.

YESAYA 5:20

Muyuh miak kumin! Muyuh neten luk dat do' idi luk do' dat. Muyuh ngisu' dacem mangun ku acang, idi acang mangun ku dacem. Muyuh nganau' luk mepét mangun mepaci', idi luk mepaci' mangun mepét.

YESAYA 6:10

Idi kebalaNeh negku, “Nganau' terawé lemulun ini mebacé, idi laliddeh mebengel, idi matehdeh mebuser, pad ideh na miak nier, ninger, idi kali' ilungneh, pad ideh na lumi Negku idi uen ngedo'.”

YEREMIA 5:21

Ngerawé do'-do', O muyuh lun mebacé, luk inan mateh idi na miak nier, idi luk inan lalid idi na miak ninger.

MARKUS 4:12

pelé, ‘Ideh miak nier idi nier, iamo' na ideh kali' luk sirendeh. Ideh miak ninger idi ninger, iamo' na ideh kali' ilungneh. Ngaceku kudeng ideh neninger, idi ideh lumi inan Allah, pad Ieh maré do' ratnan sala'deh.’ ”

MARKUS 7:22

melili, luk dat, naluk, pinian burur, temaruh, kuyo, medita' niat, bacé.

MARKUS 8:18

Muyuh inan mateh, naké muyuh nier? Muyuh inan lalid, naké muyuh ninger, idi naké muyuh ngerawé?

LUKAS 11:35

Ngaceku ineh matar do'-do' pad acang luk bang bururmu ini na medacem.

KEKAMEN RASUL-RASUL 13:11

Siruh, nekini ticu' Tuhan macing namu, pad iko mebuser, idi na nier mateh aco tuda'-tuda' aco kinioneh.” Idi kareb ineh teh inan rabun luk mitem macing nan matehneh pad ieh libung-libung nakap lemulun luk miak nguyut neneh.

KEKAMEN RASUL-RASUL 2:46

Anid-anid aco ideh tebubpun bang Ruma' Allah, idi pamung kuman bang ruma'deh sebuleng, dengan awang idi mebeneh niat.

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

2 KORINTUS 11:3

Iamo' ui matot idi mepad kudeng menipeh nenaluk Hawa dengan ilehneh, kudeng ineh teh terawé muyuh miak ruen ngeraruh ratnan siri niat idi ligan luk nguyut amé' inan Keristus.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

EPESUS 1:17

idi mutuh Allah Tuhan tau Yésus Keristus, ieh ineh Taman luk buren ineh, maré kuan muyuh Roh luk nganau' nemuyuh mileh, idi luk ngegala' Allah kuan muyuh pad muyuh ngiti Neneh.

EPESUS 6:5

O demulun, do' muyuh maya' ukum lun luk kuan nemuyuh dengan matot idi megegker, idi dengan niat luk do' mepad kudeng muyuh maya' Keristus.

KOLOSE 3:22

O demulun, bang luk amung-amung do' muyuh maya' bala lun luk kuan nemuyuh bang tana' ini, baken dengan siayu pad muyuh buren lemulun, iamo' dengan niat luk lutep, pad muyuh ngerayeh Tuhan.