LUKAS 11:20 - BALA LUK DO'

²⁰ Na! Dengan lalud Allah Ui nala' ada dengan ticu' Allah. Ieh ineh luk ngegala' ratnan Imet Allah pangeh nacing nemuyuh.

LUKAS 11:20 Iomraidhean Croise

PURA' 8:19

Idi kebala amung lemulun luk mileh mangun ni raca', “Ini aceh tanu' ratnan lalud Allah!” Iamo' niat raca' pelaba tueh. Idi na ieh ninger baladeh, maya' kudeng luk bila Tuhan.

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

MATIUS 12:28

Ui nala' ada' ku lalud Roh Allah. Idi megala' Imet Allah pangeh nacing nemuyuh.

MATIUS 3:2

kebalaneh, “Do' muyuh uren ratnan sala' muyuh, ngaceku Imet surga pangeh muneng.”

MATIUS 4:24

Idi bala ratnan Yésus nepiar aput bawang Siria, idi ideh nenguit amung-amung lun luk mét amé' Neneh, idi sebuang mét dengan riput-riput luk mét. Inan sebuang luk sinuet ada', inan teh luk mét meruai, idi inan teh sebuang luk meliai, idi Ieh nengedo' nedeh.

LUKAS 10:11

‘Abuh bawang muyuh luk nepedaket luun kukud kai ineh pana', kai ngegkar kuan muyuh; iamo' do' muyuh kali' idi Imet Allah pangeh muneng.’

LUKAS 10:9

idi ngedo' lemulun luk mét bang bawang ineh, idi mala kuandeh, ‘Imet Allah pangeh muneng nemuyuh.’

LUKAS 11:21

“Kareb lemulun luk metueh pangeh netemina' ku ayung pebunu' matar ruma'neh sebuleng, idi amung-amung binawehneh miak uen ngasa'.

KEKAMEN RASUL-RASUL 20:25

“Ui pangeh nengikak idi nemada' amung-amung muyuh ratnan Imet Allah. Idi nekini ui kali' idi muyuh na miak nier kiungku teh.

2 TESALONIKA 1:5

Ineh luk mangun ku tanu' ratnan ukum Allah luk matu, ratnan muyuh mayu ruen ngiap kuan Imet Allah, idi ngaceku ineh muyuh kali' medereh teh.