LUKAS 11:2 - BALA LUK DO'

² Idi kebala Yésus nedeh, “Kareb muyuh sembayang, do' muyuh mala, ‘O Ama' luk bang surga: Do' ngadanMu uen ngerayeh; idi ImetMu uen ngacing bang tana'.

LUKAS 11:2 Iomraidhean Croise

RACA'-RACA' LUK PUN-PUN 8:43

do' Iko ninger sembayangneh. Ninger neneh rat déi' surga su luk inanMu tudo ineh, idi do' Iko ngua' amung luk pituenneh Namu, pad amung pupu aput tana' kali' Namu idi matot Namu, mepad kudeng pupuMu sebuleng, pelé ideh kali' Ruma' luk pangeh pinudutku, ieh ineh su luk inan lemulun sembayang Namu.

RACA'-RACA' LUK KEDUEH 19:19

O Tuhan Allah kai, muit nekai rat nelun Asur, pelé amung raca' aput tana' kali' Iko mo' Allah luk matu.”

INUL LUK KEDUEH 20:6

Kesembayangneh, “O Tuhan Allah tepun kai, Iko ineh luk ngimet déi' bang Surga. Idi teh Iko ngimet amung pupu. Iko ineh metueh idi melalud, pad seburur pana' nateh luk miak metueh rat Namu.

NANI UBUR 103:20

Ngubur Tuhan, O muyuh melaikat luk metueh idi melalud, idi luk maya' ukumNeh, idi luk ninger luk belénNeh!

NANI UBUR 108:5

O Allah, ngegala' rayehMu bang langit, idi uburMu bang aput-aput tana'.

NANI UBUR 11:4

Tuhan idi bang ruma'Neh luk meligan; idi kerusiNeh bang surga. Ieh nier amung-amung lemulun, idi kali' anun luk ruendeh.

NANI UBUR 57:11

O Allah, ngegala' rayehMu bang langit, idi uburMu bang aput-aput tana'.

LUN LUK MADA' 5:2

Ngerawé kareb nateh iko pebala, idi aleg pejani' mo'-mo' pa kiung Allah. Ieh luk déi' surga, idi iko luk luun tana'. Ngaceku ineh aleg iko pelaba ula' buri'.

YESAYA 63:16

Iko ineh taman kai. Tepun kai Ibrahim idi Yakub pana' na miak ngedengan nekai. O Tuhan, Iko ineh Taman kai. Iko mo' sebuleng luk megéi' muit nekai.

YEHISKIEL 36:23

Kareb Ui ngegala' ligan ngadanKu luk rayeh kuan anid bawang, ieh ineh ngadan luk inigu' muyuh arang pupu baken, idi ideh miak kali' Ui ini Tuhan. Ui ini Tuhan Allah pangeh nepebala. Ui makai nemuyuh pad ngegala' kuan anid pupu, Ui ini meligan.

DANIEL 2:28

Iamo' inan aceh Allah déi' Surga luk mileh ngelio luk inalum. Ieh pangeh nemada' namu, O Raca' Nebukadnesar, ratnan luk miak mangun muci. Idi ini nupi ineh idi luk siniermu karebmu rudap.

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

DANIEL 7:18

Idi pupu Allah luk Meluun Rayeh miak ngalap lalud raca' macing ruked-ruked.”

DANIEL 7:27

Lalud idi rayeh ratnan amung-amung imet luk bang tana' ini miak barén kuan pupu Allah luk Meluun Rayeh. Laluddeh luk ratnan raca' na kekipedneh idi amung lun luk ngimet bang tana' ini miak ngakem kuandeh idi maya' baladeh.”

HOSIA 14:2

Do' lumi inan Tuhan, idi nima' sembayang ini mangun ku aceh baré kuanNeh: “Maré do' ratnan amung-amung sala' kai, idi ninger sembayang kai, pelé kai ngubur Namu mepad kudeng luk pijani' kai.

UKUM 10:3

Idi kebala Musa ni Arun, “Ini luk pangeh bida' Tuhan, kebalaNeh, ‘Ui pian mada' liganKu siren lemulun luk muneng Negku, idi Ui pian uen ngerayeh pa kiung amung-amung lemulun.’ ” Idi Arun pirud.

UKUM 22:23

Iamo' sapi' idi dumba luk pelaba rayeh idi pelaba isuut miak barén muyuh maya' awang niat muyuh. Iamo' na ieh petulu ku baré muyuh maya' jani'.

HABAKUK 2:14

Tana' ini miak mepanu' ku ileh ratnan ubur Allah, mepad kudeng abpa' rayeh luk nepanu' ku abpa'.

MATIUS 10:32

“Anid-anid lemulun luk ngamo Negku pa kiung lemulun. Ui pana' ngamo neneh pa kiung TamanKu luk bang surga.

MATIUS 3:2

kebalaneh, “Do' muyuh uren ratnan sala' muyuh, ngaceku Imet surga pangeh muneng.”

MATIUS 5:16

Kudeng ineh teh do' muyuh maré acang muyuh nelun, pad ideh miak nier kekamen muyuh luk do', idi ngerayeh Taman muyuh luk bang surga.

LUKAS 11:1

Idi bang seaco Yésus nesembayang su luk inanNeh sembayang. Kareb Ieh nugka', idi seburur anak sekola'Neh nepebala Neneh, “O Tuhan, mada' nekai ratnan sembayang, mepad kudeng Yahya nemada' anak sekola'neh.”

SURAT LUK BIRE PAULUS KUAN LUN RUM 1:7

Ngaceku ineh ui ngayud kuan amung muyuh lun Rum, luk inan Allah mawa, idi luk tinawar mangun ku lun manu: Do' katu idi awang temurun kuan muyuh ratnan Allah Taman tau idi Tuhan tau Yésus Keristus.

SURAT LUK BIRE PAULUS KUAN LUN RUM 8:15

Ngaceku baken muyuh ngalap roh mangun ku demulun tot teh, iamo' muyuh pangeh nengalap Roh Allah mangun ku anak Allah, idi bang Roh ineh tau ngitang, “O Ama'! O Ama'!”

1 KORINTUS 1:3

Do' katu idi awang ratnan Allah Taman tau idi Tuhan Yésus Keristus temurun kuan muyuh.

2 KORINTUS 1:2

Do' katu Allah temurun kuan muyuh idi awang ratnan Allah Taman tau, idi Tuhan Yésus Keristus.

GALATIA 1:4

Keristus nemaré bururNeh ngaceku sala' tau, pad Ieh miak muit netau ratnan kareb luk dat ini maya' pian Allah, ieh ineh Taman tau.

EPESUS 1:2

Do' katu idi awang ratnan Allah Taman tau idi Tuhan Yésus Keristus ngedengan nemuyuh.

PILIPI 1:2

Do' katu idi awang ratnan Allah Taman tau idi ratnan Tuhan tau Yésus Keristus temurun kuan muyuh.

PILIPI 4:20

Idi rayeh kuan Allah, ieh ineh Taman tau macing ruked-ruked! Amin.

KOLOSE 1:2

Kuan amung-amung lun manu idi kinanak luk lutep bang Keristus luk déi' Kolosé: Do' katu idi awang ratnan Allah Taman tau temurun kuan muyuh.

1 TESALONIKA 1:1

Rat ni Paulus, Siluanus, idi Timotius — Kuan sidang lun Tesalonika luk mangun ku pupu Allah Taman, idi Tuhan Yésus Keristus: Do' katu idi awang temurun kuan muyuh.

1 TESALONIKA 1:3

Ngaceku kai ngerawé pa kiung Allah Taman tau ratnan kekamen muyuh luk dengan anu, idi kél muyuh luk dengan awa, idi letep niat muyuh luk merapet inan Tuhan tau Yésus Keristus.

2 TESALONIKA 2:16

Do' Tuhan tau Yésus Keristus sebuleng, idi Allah Taman tau, luk pangeh mawa netau idi nemaré ubuk luk meruked idi rapet luk do' ngaceku ratnan katuNeh,

BALA LUK LINIO 11:15

Idi melaikat luk ketudu' ineh nengiup serupitneh, idi inan tuda'-tuda' arod déi' surga luk pebala, “Imet tana' ini mangun ku Imet Tuhan tau, idi Imet KeristusNeh, idi Ieh miak ngimet macing ruked-ruked peh.”

BALA LUK LINIO 15:4

Idéké luk na matot Namu, O Tuhan? Idéké luk ara' mada' rayehMu? Iko sebuleng mo' luk meligan. Amung-amung pupu miak amé' sembayang pa kiungMu, ngaceku kekamenMu luk matu pangeh megala'.

BALA LUK LINIO 19:6

pangeh ineh ui neninger aceh arod luk mepad kudeng arod lun luk mula', idi mepad kudeng beri rueb luk medita', idi mepad kudeng uni lalam kebaladeh, “Ngubur Allah! Ngaceku Tuhan tau, Allah luk Melalud, Ieh ineh Raca'!

BALA LUK LINIO 20:4

Idi ui nenier tuda'-tuda' kerusi, idi inan lemulun luk tudo luundeh, idi kuandeh ineh pangeh biré lalud ngukum. Idi teh ui nenier niat lemulun luk kileb uluhdeh ngaceku maré kali' ratnan Yésus idi bala Allah. Ideh na nesembayang inan pung ineh idi akangneh, idi ideh na inan etu nan madu'deh idi bang paladdeh. Idi ideh ineh mo' luk muli' mulun idi ngimet pad-pad dengan Keristus meribu lak kinioneh.