LUKAS 11:13 - BALA LUK DO'

¹³ Kudeng muyuh luk dat kali' teh maré luk do' kuan anak-anak muyuh, meluun teh Taman muyuh luk bang surga sikal maré Roh Meligan kuan lemulun luk mutuh rat Neneh!”

LUKAS 11:13 Iomraidhean Croise

PUDUT 8:21

Idi baré ineh do' buen pa kiung Tuhan, idi Ieh nepebala bang niatNeh, “Na Ui sikal ngacing kediman bang tana' ini peh ngaceku ratnan lemulun, sagan pana' terawé niatdeh dat rat karebdeh isuut. Nateh Ui sikal ngaté amung-amung pudut luk mulun kudeng luk pangeh inau'Ku.

NANI UBUR 51:5

Ui dat idi mesala' rat aco ui tinganak.

BALE' 1:23

Ninger, kareb ui mada' nemuyuh; ui miak maré bada' luk do' idi aceh babpat ilehku nemuyuh.

YESAYA 49:15

Idi kebala Tuhan nedeh, “Miakké decur mekelupan anakneh, idi megateh inan anak luk tinganakneh? Sagan pana' decur mekelupan anakneh, Ui na tu mekelupan nemuyuh.

YEHISKIEL 36:27

Ui nganau' RohKu sebuleng bang nemuyuh, pad nganau' nemuyuh maya' ukumKu idi ngimet bada'Ku luk biréKu nemuyuh,

YOEL 2:28

“Muci Ui miak ngutang RohKu luun amung-amung lemulun: anak muyuh luk deléi idi decur miak mada' bala luk barénKu, idi deléi muyuh luk mengered miak nginupi, idi anak adi' deléi muyuh miak nier luk sirendeh.

MATIUS 5:16

Kudeng ineh teh do' muyuh maré acang muyuh nelun, pad ideh miak nier kekamen muyuh luk do', idi ngerayeh Taman muyuh luk bang surga.

MATIUS 5:45

pad muyuh mangunk u anak-anak Taman muyuh luk bang surga. Ngaceku Ieh maré acoNeh merasat kuan lemulun luk dat idi luk do', idi Ieh maré udan kuan lemulun luk matu idi lemulun luk na matu teh.

MATIUS 6:14

“Ngaceku kudeng muyuh maré do' ratnan sala' dulun, Taman muyuh luk bang surga pana' sikal maré do' kuan muyuh.

MATIUS 6:30

Kudeng Allah ngayung uduh, luk mulun aco sini idi kenebpaneh ieh talan bang tetel apui, naké Ieh meluun pian ngayung nemuyuh, O muyuh luk na petap anu?

MATIUS 6:32

Lun pupu baken pana' nakap amung ineh, idi Taman muyuh luk bang surga meluun kali' amung ineh inan ulek kuan muyuh.

MATIUS 7:11

Ngaceku ineh kudeng muyuh luk dat, kali' teh maré luk do' kuan anak-anak muyuh, meluun teh Taman muyuh luk bang surga sikal maré luk do' kuan lemulun luk mutuh Neneh?

LUKAS 11:12

Idi kudeng ieh mutuh terur, ieh maré menipal kara'?

LUKAS 11:2

Idi kebala Yésus nedeh, “Kareb muyuh sembayang, do' muyuh mala, ‘O Ama' luk bang surga: Do' ngadanMu uen ngerayeh; idi ImetMu uen ngacing bang tana'.

LUKAS 18:7

Naké Allah miak, ngedengan anid-anid lemulun luk pinili'Neh luk nawar Neneh tebaco kedangan? Miakké Ieh nginiuk ngedengan nedeh?

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

KEKAMEN RASUL-RASUL 2:38

Idi keburi' Pétrus nedeh, “Do' amung-amung muyuh uren, idi rerebpen bang ngadan Yésus Keristus, pelé muyuh ngalap do' ratnan sala' muyuh; idi muyuh miak ngalap baré Allah, ieh ineh Roh Meligan.

SURAT LUK BIRE PAULUS KUAN LUN RUM 5:17

Matu dengan sala' seburur, até pangeh mangun ku raca' ngaceku ratnan seburur lemulun ineh. Iamo' meluun rayeh ulekneh luk inau' Seburur Lemulun, ieh ineh Yésus Keristus. Anid-anid lemulun luk ngalap katu Allah luk mela ineh, idi baréNeh, ieh ineh luk matu, miak mulun idi ngimet ngaceku ratnan Keristus.

SURAT LUK BIRE PAULUS KUAN LUN RUM 7:18

Ui kali' idi na luk do' bang niatku, ieh ineh bang ulun tana' ini. Sagan pana' ui pian nganau' luk do', iamo ui na miak nganau' ineh.

SURAT LUK BIRE PAULUS KUAN LUN RUM 8:32

Ngaceku Allah na nengimet AnakNeh sebuleng, iamo' nemaré Neneh ku peruan tau amung-amung, kali' rungen dengan baré ineh Ieh sikal maré anun-anun pana' luk miak barénNeh kuan tau.

TITUS 3:3

Ngaceku atun tau pana' mebacé, ngelaba bala, neraruh, mangun ku demulun kuan amung-amung lili idi rot luk dat bang tana' ini. Kareb ineh tau mulun bang luk dat idi ét niat, luk inan lemulun megateh, idi megateh seburur inan seburur.