LUKAS 10:9 - BALA LUK DO'

⁹ idi ngedo' lemulun luk mét bang bawang ineh, idi mala kuandeh, ‘Imet Allah pangeh muneng nemuyuh.’

LUKAS 10:9 Iomraidhean Croise

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

MATIUS 3:2

kebalaneh, “Do' muyuh uren ratnan sala' muyuh, ngaceku Imet surga pangeh muneng.”

MATIUS 4:17

Rat kareb idi Yésus nengimun mada', kebalaNeh, “Do' muyuh uren, ngaceku Imet surga pangeh muneng!”

MARKUS 4:30

Idi kebala Yésus, ‘Kudeng apehké luk pian tau maad Imet Allah, idi dengan pinginud luk kudeng apehké miak tau ngegala' ratnan ineh?

MARKUS 6:13

Ideh nenala' mula' ada' idi nengumau mula' lemulun luk mét, idi nengedo' nedeh.

LUKAS 10:10

Iamo' kareb muyuh semuet bang bawang iapeh-iapeh pana', iamo' lemulun na nganak nemuyuh, do' muyuh remuat amé' inan dalan-dalandeh idi mala,

LUKAS 10:11

‘Abuh bawang muyuh luk nepedaket luun kukud kai ineh pana', kai ngegkar kuan muyuh; iamo' do' muyuh kali' idi Imet Allah pangeh muneng.’

LUKAS 9:2

Idi Ieh nengecuk nedeh mada' Imet Allah idi ngedo' lemulun luk mét.

YAHYA 3:3

Idi kebala Yésus, “Matu, Ui pebala namu, kudeng selemulun na tinganak baruh, na ieh miak nier Imet Allah.”

YAHYA 3:5

Idi kebala Yésus, “Matu, Ui pebala namu, kudeng selemulun na tinganak ratnan abpa' idi Roh, na ieh miak semuet bang Imet Allah.

KEKAMEN RASUL-RASUL 28:28

Idi kebala Paulus, “Ngaceku ineh do' muyuh kali' idi ulun meruked luk ratnan Allah pangeh icing kuan lun pupu baken. Ideh sikal ninger teh.”

KEKAMEN RASUL-RASUL 28:31

Ieh nemada' ratnan Imet Allah idi ratnan Tuhan Yésus Keristus dengan mekuu' niat idi dengan na lun mebpeng peh.