LUKAS 10:8 - BALA LUK DO'

⁸ Kareb muyuh semuet bang bawang iapeh-iapeh pana', idi lemulun nganak nemuyuh, do' muyuh kuman anun-anun luk baréndeh nemuyuh,

LUKAS 10:8 Iomraidhean Croise

MATIUS 10:40

“Lemulun luk nganak nemuyuh, ieh teh luk nganak Negku, idi lemulun luk nganak Negku, ieh teh luk nganak Neneh luk nengecuk Negku.

LUKAS 10:10

Iamo' kareb muyuh semuet bang bawang iapeh-iapeh pana', iamo' lemulun na nganak nemuyuh, do' muyuh remuat amé' inan dalan-dalandeh idi mala,

LUKAS 9:48

kebalaNeh nedeh, “Idé-idé luk nganak anak luk isuut ini bang ngadanKu, ieh ineh nganak Negku; idi idé-idé luk nganak Negku, ieh ineh nganak Neneh luk nengecuk Negku. Ngaceku luk pelaba isuut rat arang amung-amung muyuh, ieh ineh luk meluun rayeh.”

YAHYA 13:20

Matu, Ui pebala nemuyuh luk ngalap lemulun luk icukKu, ieh ngalap Negku; iamo' lemulun luk ngalap Negku, ieh ngalap Allah luk nengecuk Negku.”

1 KORINTUS 10:27

Kudeng seburur lun na manu nawar nemuyuh kuman idi muyuh sikal amé', kenen muyuh anun-anun luk inau' kuan muyuh dengan na ngitun pad teruayen niat muyuh na mesala'.

1 KORINTUS 9:14

Kudeng ineh teh Tuhan pangeh nengeletep pad lemulun luk mada' Bala luk Do' ngalap akandeh ratnan mada' Bala luk Do' ineh.