LUKAS 10:42 - BALA LUK DO'

⁴² iamo' sebuleng mo' luk petulu tekapen. Mariam pangeh nemili' babpat luk do' luk na miak lapen rat neneh.”

LUKAS 10:42 Iomraidhean Croise

NANI UBUR 119:111

UkumMu ineh binawehku luk meruked, idi ku awang niatku.

NANI UBUR 119:173

Do' megéi' temina' ngedengan negku, ngaceku ui maya' ukumMu.

NANI UBUR 119:30

Ui pangeh nemili' maya' dalanMu; idi ui pangeh nengerawé ukumMu.

NANI UBUR 142:5

O Tuhan, ui nawar Namu mutuh pedengan; Iko, Tuhan, Lun Matar negku; Iko mo' sebuleng luk pianku bang tana' ini.

NANI UBUR 17:15

Iamo' ui miak nier Namu, ngaceku ui luk matu, kareb ui tumui, ui miak mepanu' ku awang, ngaceku Iko idi denganKu.

NANI UBUR 27:4

Sebuleng mo' luk pinutuhku ratnan Tuhan; sebuleng mo' luk pianku: ieh ineh mudeng bang ruma' Tuhan ruked ulunku, pad mawa ku do'Neh, idi mutuh pedengan rat Neneh.

NANI UBUR 73:25

Iko sebuleng luk kuanku déi' surga, idi luk pianku bang tana'.

LUN LUK MADA' 12:13

Idi kekiped balaku: Matot inan Allah, idi maya' amung ukumNeh, ngaceku ini punneh lemulun pangeh pinudut. Allah miak ngukum amung-amung kekamen tau luk do', luk dat, idi luk inalum pana'.

MARKUS 8:36

Ngaceku anunké ulekneh kudeng selemulun ngalap amung-amung tana' ini, iamo' na ieh ngalap ulun luk meruked?

LUKAS 10:39

Idi Marta ineh inan aceh kinanak decur, ngadanneh Mariam, luk tudo iring kukud Yésus, neninger balaNeh.

LUKAS 11:1

Idi bang seaco Yésus nesembayang su luk inanNeh sembayang. Kareb Ieh nugka', idi seburur anak sekola'Neh nepebala Neneh, “O Tuhan, mada' nekai ratnan sembayang, mepad kudeng Yahya nemada' anak sekola'neh.”

LUKAS 12:20

Iamo' Allah nepebala neneh, ‘O bacé! Malem ini teh ulunmu miak lapen rat namu; idéké luk ngalap amung binaweh luk dinugmu ineh?”

LUKAS 12:33

Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 16:2

Idi tuan ineh nenawar neneh, idi kebalaneh, ‘Anunké luk pindengerku ratnan iko luk inadu' lun? Maré negku nekini aceh surat luk ngegala' ratnan binawehku luk bang paladmu, ngaceku na iko miak mangun ku lun ngasa' binawehku peh.’

LUKAS 16:25

Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

LUKAS 8:18

“Ngaceku ineh ngerawé kudeng apeh muyuh ninger, ngaceku idé-idé luk inan anun-anun, idi kuanneh miak barén teh, idi idé-idé luk na luk idi anun-anun, idi luk tirawéneh inan kuanneh miak lapen rat neneh.”

YAHYA 11:1

Inan selemulun luk mét, ngadanneh Lasarus, lun Baitani, ieh ineh bawang Mariam idi kinanakneh Marta. (

YAHYA 11:19

Idi mula' lun Yahudi pangeh nengikak ni Marta idi Mariam sikal ngubuk nedidueh, ngaceku kinanak didueh Lasarus ineh pangeh naté.

YAHYA 12:3

Idi Mariam nengalap sekati umau luk do' buen luk mikat raganeh, idi nengumau kukud Yésus, idi nemiid kukudNeh ineh ku abpukneh. Idi bang ruma' ineh mepanu' ku buen umau ineh.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 5:24

“Matu, Ui pebala nemuyuh, lemulun luk ninger balaKu idi manu inan Luk nengecuk Negku, ieh ineh ngalap ulun luk meruked, idi na semuet bang ukum, iamo' ieh pangeh pinuit ratnan até amé' inan ulun.

YAHYA 6:27

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

1 KORINTUS 13:3

Kudeng ui maré binawehku nelun masi', idi maré bururku sabpen pana', iamo' kudeng ui na mawa, nateh ulekneh kuanku.

GALATIA 5:6

Ngaceku bang Keristus Yésus, sunat idi na sinunat pana' nateh ulekneh, iamo' luk do', ieh ineh anu luk uen ngegala' bang awa.

BADA' RATNAN UKUM 30:19

Idi aco sini teh ui nawar langit idi tana' mangun ku luk nekali' namu. Ui nima' namu mili' arang ulun idi até, peruan idi kediman. Do' iko mili' ulun ineh, pad iko idi amung anakmu miak mulun.

YUSAK 24:15

Idi kudeng muyuh na sikal mepicet maya' Tuhan, do' nekini muyuh mili' idé' luk pian bén muyuh, allah luk inubur tepun muyuh dipar Abpa' Pirat, kian allah lun Amori bang tana' luk inan muyuh tudo nekini. Iamo' ui idi lun bang tetek ruma'ku sikal maya' Tuhan.”

YUSAK 24:22

Idi kebala Yusak nedeh, “Muyuh mangun ku luk maré kali' kuan burur muyuh sebuleng ratnan muyuh pangeh nemili' Tuhan.” Idi kebaladeh, “Kai ini lun luk maré kali'.”