LUKAS 10:41 - BALA LUK DO'

⁴¹ Idi kebala Tuhan neneh, “Marta, Marta, iko mesusa' idi merapang ratnan mula' kekamen;

LUKAS 10:41 Iomraidhean Croise

LUN LUK MADA' 6:11

Pelaba ula' bala ngacing luk mo'-mo'. Anunké ulekneh kuan lemulun?

MARKUS 4:19

iamo' rapang ratnan ulun tana' ini, idi lili ratnan mula' binaweh, idi lili ratnan amung-amung luk baken teh, semuet bang niatdeh idi nebpek bala ineh, pad ieh na kebua'.

LUKAS 10:38

Kareb ideh nenalan, Yésus nesemuet bang aceh bawang; déi inan seburur decur luk ngadanneh Marta nenawar Neneh umak bang ruma'.

LUKAS 10:40

Marta ineh megagau ku mula' kekamen bang ruma' ineh; idi ieh iné' matun Yésus idi kebalaneh, “O Tuhan, naké Iko ngerawé ratnan kinanakku nima' negku ngakem sebuleng mo'? Ngecuk neneh ngeruyung negku.”

LUKAS 12:22

Kebala Yésus kuan anak-anak sekola'Neh, “Ngaceku ineh Ui pebala nemuyuh, Aleg merapang ratnan ulun muyuh ieh ineh anunké luk miak kenen muyuh; idi ratnan burur muyuh, ieh ineh anunké luk miak iungen muyuh.

LUKAS 21:34

“Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

LUKAS 8:14

Idi luk nebpeh arang tabpa' ineh, ieh ineh lemulun luk pangeh neninger. Iamo' ideh mesabeng ku rapang idi mula' binaweh idi luk do' bang tana' ini, pad ideh na ngeruat bua' dengan meriput.

YAHYA 11:1

Inan selemulun luk mét, ngadanneh Lasarus, lun Baitani, ieh ineh bawang Mariam idi kinanakneh Marta. (

YAHYA 11:5

Iamo' Yésus mawa inan Marta, idi kinanakneh luk decur, idi Lasarus ineh.

YAHYA 12:2

Idi ideh nenganau' aceh Irau kuanNeh déi'. Idi Marta nengasa' nedeh; idi Lasarus pana' netudo kuman iring Yésus.

PILIPI 4:6

Aleg muyuh merapang ratnan anun-anun, iamo' bang luk amung-amung do' amung-amung pian muyuh uen ngegala' kuan Allah, bang sembayang idi putuh dengan maré ubur.