LUKAS 10:32 - BALA LUK DO'

³² Kudeng ineh teh, seburur lun Liwi nacing su luk inanneh ineh, idi nenier neneh idi nesemisir lemaba neneh.

LUKAS 10:32 Iomraidhean Croise

NANI UBUR 109:25

Kareb lemulun nier negku, ideh situnga idi ngacé negku.

BALE' 27:10

Aleg mekelupan rurummu idi rurum tamanmu. Kudeng iko inan susa', aleg mutuh pedengan ratnan kinanakmu. Lun rurum luk muneng namu meluun do' ratnan kinanakmu luk mado.

YESAYA 58:7

Maman lemulun luk melau, idi nganak lemulun luk masi' luk na ruma'. Maré ayung kuan lemulun luk na kuyu', idi aleg ara' ngedengan pupu muyuh luk muneng.

LUKAS 10:31

Idi inan seburur imam nenalan maya' dalan ineh teh; kareb ieh nenier neneh, ieh nesemisir lemaba neneh teh.

LUKAS 10:33

Iamo' seburur lun Samaria luk uned nalan nacing su luk inanneh telubid ineh. Idi kareb ieh nenier neneh, idi niatneh nesigio ngaceku méi' neneh.

KEKAMEN RASUL-RASUL 16:28

Idi Paulus nengitang, keburi'neh, “Aleg peripaté ngaceku amung-amung kai idi tungé'.”

KEKAMEN RASUL-RASUL 18:17

Idi amung-amungdeh nedupeh ni Sostenis, lun rayeh ruma' sembayang ineh, idi nemebal neneh pa kiung besara' ineh. Iamo' Galio ungeng ratnan ineh.

2 TIMOTIUS 3:2

Lemulun miak mawa inan bururdeh sebuleng, melili ku usin, ngerayeh bururdeh, medita' niat, nguyo lemulun, ngelaba bala taman-tinandeh, na maré ubur, idi na meligan.