LUKAS 10:21 - BALA LUK DO'

²¹ Bang kareb ineh pana' Yésus mawang niat bang Roh Meligan idi nepebala, “O Ama', Tuhan langit idi tana', Ui ngubur Namu, ngaceku Iko pangeh nengalum amung ini ratnan lemulun luk mileh idi luk do' kali', idi pangeh nengegala' neneh kuan anak-anak. O Ama', amung ineh inau'Mu maya' pianMu.

LUKAS 10:21 Iomraidhean Croise

NANI UBUR 24:1

Tana' idi amung uangneh Tuhan kuan, idi amung luk mulun luun tana' ineh pana' Ieh kuan.

NANI UBUR 25:14

Tuhan ineh Lun Rurum lemulun luk maya' balaNeh, idi Ieh mada' jani'Neh nedeh.

NANI UBUR 8:2

dengan nani anak-anak luk medari idi luk isuut pana'. Iko do' udeng bang libungMu luk meraben, Iko ngagka' bunu'Mu idi lun luk ngua'.

YESAYA 29:14

Ngaceku ineh Ui miak ngagap nedeh ku tuda'-tuda' susa' luk macing denak-denak nedeh. Lemulun luk mileh misu' ku lun luk mebacé, pad ilehdeh na ulek.”

YESAYA 35:8

Idi inan aceh dalan su ineh, luk titen, “Dalan Macing Inan Luk Meligan.” Lun mesala' na tu-tu miak maya' dalan ini; idi lun luk mebacé na nalan su ineh.

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

YESAYA 62:5

Mepad kudeng seburur anak adi' deléi ngalap seburur anak decur luk pun mebaruh ku awanneh, kudeng ineh teh Allah luk nemudut namu pian ngalap namu. Idi Allah miak mawang niat namu mepad kudeng deléi luk pun ngaweh.

YESAYA 66:1

Kebala Tuhan, “Langit ineh kerusiKu, idi tana' ineh tapin kukudKu. Kudeng apehké ayu ruma' luk miak piduten muyuh kuanKu, idi su luk inanKu tudo?

SEPANIA 3:17

Tuhan Allahmu idi denganmu, laludNeh ngetueh namu. Tuhan miak mawang niat namu, dengan awaNeh Ieh maré ulun luk mebaruh namu. Ieh miak menani idi mawang niat namu,

MATIUS 16:17

Idi kebala Yésus, “Samal kuanmu, O Simun, anak Yunus! Ngaceku baken lemulun luk ngelio ini kuanmu, iamo' TamanKu luk bang surga.

MATIUS 21:16

Idi keburi'deh kuan Yésus, “Iko kali' baladehké?” Idi Yésus nepebala nedeh, “Mo' Ui kali'. Naké muyuh nemaca' ayat ini bang Surat Allah? ‘Ratnan tang anak-anak luk isuut idi anak-anak luk niti' pana' uburMu pangeh meriput.’ ”

MATIUS 3:7

Kareb Yahya nenier nelun Parisi idi Saduki amé' mutuh rerebpen, keburi'neh nedeh, “O muyuh menipeh, idéké luk nemada' nemuyuh ratnan muyuh miak uen ngulun ratnan useh Allah luk macing?

MARKUS 10:15

Ngerawé do'-do'! Idé-idé lukna ngalap Imet Allah ineh mepad kudeng anak luk isuut, na ieh miak semuet bang ineh.”

LUKAS 15:5

Kareb ieh ngalap neneh, idi ieh nganau' neneh luun tudungneh dengan mawang niat.

LUKAS 15:9

Kareb ieh ngalap usinneh, idi ieh nawar lun rurumneh idi lun bang bawangneh, keburi'neh, ‘Do' muyuh mawang niat denganku, ngaceku ui pangeh nengalap usinku luk pangeh netutu' ineh!’

YAHYA 11:41

Idi ideh nengelubid batu ineh. Idi Yésus netengook, kesembayangNeh, “O Ama', Ui maré ubur kuanMu ngaceku Iko neninger balaKu.

2 KORINTUS 4:3

Iamo' kudeng Bala kai luk Do' ineh lininged, idi ieh melinged kuan lemulun luk metutu'.

EPESUS 1:11

Amung-amung miak ruen maya' pian idi terawé Allah. Idi Allah nemili' netau mangun ku pupuNeh bang Keristus, ngaceku pinianNeh sebuleng, maya' kudeng luk litepNeh rat pun-pun.

EPESUS 1:5

Allah pangeh nengeletep netau atun mangun ku anak-anakNeh ngaceku ratnan Yésus Keristus, maya' luk petulu dengan pinianNeh.