LUKAS 10:2 - BALA LUK DO'

² Idi kebalaNeh nedeh, “Mula' luk perinien, iamo' pawa' lun luk ngeranih. Do' mutuh ratnan Tuhan luk kuan perinien ineh, pad Ieh ngecuk lemulun amé' ngeranih uli' luk tinibuNeh ineh.

LUKAS 10:2 Iomraidhean Croise

RACA'-RACA' LUK PUN-PUN 18:22

Idi kebala Elia, “Ui ini mo' nabi Tuhan luk neketecan sebuleng. Iamo' nabi Baal ineh 450 burur.

NANI UBUR 68:11

Tuhan nemaré balaNeh, idi mula' decur nenated bala luk do' ineh:

YEREMIA 3:15

Idi Ui miak maré nelun rayeh luk maya' Negku ngimet nemuyuh dengan ilehdeh.

SEKARIA 11:17

Lun luk matar ineh luk na mayu miak kumin! Ieh pangeh nenecan sengeriudanneh! Amung laludneh miak uen ngagka bang bunu'. Langenneh miak melaya', idi matehneh mebuser.”

SEKARIA 11:5

Lun luk kuan nedeh ngaté nedeh idi nateh inukum. Ideh masui uangdeh idi ideh pebala, ‘Ngubur Tuhan! Kai mangun ku lun do'.’ Lun luk matar nedeh na méi' nedeh.” (

IAP 11:17

Idi Ui miak temurun idi pebala namu ieneh. Idi Ui miak ngalap ratnan Roh luk namu ineh idi ngerareng ineh nedeh, pad ideh ineh mabeh dereh pupu ineh, perapu denganmu, pad iko na mabeh ineh sebuleng.

IAP 11:29

Iamo' kebala Musa neneh, “Ngudehké iko megagau ngaceku ui? Meluun do' amung pupu Tuhan mangun ku nabi, pad Tuhan maré RohNeh nedeh!”

MATIUS 20:1

“Imet surga mepad kudeng aceh tuan ruma' luk neremuat pekak uka-uka, pad nabpar lemulun pelé ideh ngakem bang kabun anggurneh.

MARKUS 13:34

Idi ieh mepad kudeng seburur lemulun luk amé' ngarang idi necan ruma'neh bang palad demulunneh. Ieh maré kekamen kuan anid-anid bururdeh, idi periteteng kuan luk matar tanga' ineh, pad ieh matar do'-do'.

MARKUS 16:15

Idi kebalaNeh, “Do' muyuh amé' aput-aput tana' idi mada' Bala luk Do' ini kuan amung-amung lemulun.

MARKUS 16:20

Idi anak-anak sekola'Neh iné' mada' iapeh-iapeh, idi Tuhan pana' nengakem pad-pad dengandeh, idi nengepicet bada'deh dengan tanu' luk melalud.] [

LUKAS 9:1

Yésus nenawar pulu' dueh anak sekola'Neh, idi nemaré tueh idi lalud kuandeh, pad ideh miak ngusu ada' idi ngedo' amung-amung luk mét.

KEKAMEN RASUL-RASUL 11:19

Idi lun manu nepatad-patad ngaceku dereh luk nacing kareb até Stepanus ineh. Idi ideh neburo iné' Punikia, Siprus, idi Antiokia. Iamo' ideh nemada' bala ineh kuan lun Yahudi mo'.

KEKAMEN RASUL-RASUL 13:2

Idi laba' ideh sembayang inan Tuhan idi mawa', idi kebala Roh Meligan, “Uen ngatad kuanKu Barnabas idi Saul, pad didueh miak nganau' kekamen luk icukKu nedidueh.”

KEKAMEN RASUL-RASUL 13:4

Roh Meligan nengecuk Barnabas idi Saul amé' Salukia, idi rat déi' didueh nenalan maya' kapal iné' pulau Siprus.

KEKAMEN RASUL-RASUL 20:28

Matar burur muyuh sebuleng idi amung sengeriudan ineh. Ngaceku muyuh mangun ku lun matar sidang maya' ecuk Roh meligan. Do' muyuh ngasa' sidang Allah, luk pangeh inuli' dengan dara'Neh sebuleng.

KEKAMEN RASUL-RASUL 22:21

Idi kebala Tuhan negku, ‘Nalan iko, ngaceku Ui sikal ngecuk namu amé' mado kuan lun pupu baken.’ ”

KEKAMEN RASUL-RASUL 8:4

Idi amung-amung lemulun luk nepatad ineh pana' nenalan mada' Bala luk Do' ineh.

1 KORINTUS 12:28

Allah pangeh nengeletep kekamen bang sidangNeh: luk pun-pun rasul-rasul, luk kedueh nabi-nabi, luk keteluh guru-guru, idi luk muci lun luk nganau' kekamen luk melalud, idi luk muci teh lun luk inan baré ngedo' lun mét, lun luk ngedengan, lun luk ngimet, idi lun luk pebala dengan buri' luk ratnan Roh.

1 KORINTUS 15:10

Iamo' ngaceku ratnan katu Allah ui pangeh misu', pad ulunku mepad kudeng luk bang kareb ini, idi katu luk biréNeh negku na mo'-mo'. Iamo' ui luk meluun géi' ratnan amung-amungdeh, iamo' baken ui, iamo' katu Allah luk ngedengan negku.

2 KORINTUS 6:1

Iamo' kai luk pad-pad ngakem dengan Allah mutuh nemuyuh teh, pad muyuh na ngalap katu Allah mo'-mo'.

PILIPI 2:21

Ngaceku amung-amungdeh nakap luk kuan bururdeh sebuleng, baken luk ratnan Yésus Keristus.

PILIPI 2:25

Iamo' bang terawéku do' ui ngecuk Epaproditus, kinanak tau ineh, kuan muyuh, ieh ineh lun denganku bang kekamen idi bunu' Tuhan, idi luk duken muyuh ngasa' negku bang asi'ku.

PILIPI 2:30

Ngaceku ratnan kekamen Keristus ieh pangeh lélé maté, idi na ieh nengerawé ulunneh sebuleng, ngaceku ieh sikal ngelibal nemuyuh ngasa' negku ini.

KOLOSE 1:29

Idi ini punneh ui merur teh, idi mekél dengan matu, maya' tueh Keristus luk ngakem bang negku.

KOLOSE 4:12

Tabi' kuan muyuh rat ni Epapras luk pamung sebawang dengan muyuh, ieh ineh demulun Keristus Yésus. Ieh mekél sembayang kuan muyuh, pad muyuh lutep idi tuped meraben-bang Keristus dengan anu luk meriput, idi pad muyuk miak maya' amung-amung luk pian Allah.

1 TESALONIKA 2:9

Kali' rungen muyuh ngerawé, O kinanak-kinanakku, ratnan erur idi kél kai. Tebaco kedangan kai nengakem pad kai na maré meberat kuan seburur pana' rat arang muyuh, kareb kai nemada' Bala luk Do' ratnan Allah kuan muyuh.

1 TESALONIKA 5:12

O kinanak-kinanakku, kai mutuh nemuyuh ngerawé lemulun luk merur ngakem arang muyuh, idi luk nguyut nemuyuh bang Tuhan, idi luk mada' nemuyuh.

2 TESALONIKA 3:1

Kekipedneh, O kinanak-kinanakku, do' muyuh sembayang kuan kai, pad bala Tuhan temubu' idi uen ngerayeh, mepad kudeng luk mangun arang muyuh teh.

1 TIMOTIUS 4:10

Ini punneh tau merur idi metueh ngakem ngaceku tau merapet tu-tu inan Allah luk mulun, luk mangun ku Lun Nengulun amung-amung lemulun, meluun teh amung-amung lemulun luk manu.

2 TIMOTIUS 4:5

Iamo' bang luk amung-amung do' iko ngimet bururmu, tuman ratnan luk medereh, nganau' kekamen lemulun luk mada' Bala' luk Do', idi ngeriput kekamenmu mepad kudeng demulun Allah.

PILIMON 1:1

Rat ni Paulus, seburur lemulun luk kiling ngaceku Keristus Yésus, idi rat ni Timotius kinanak tau — Kuan Pilimon luk pad-pad ngakem dengan kai bang kekamen Allah,

IBERANI 3:6

Iamo' Keristus ineh lutep ngaceku Ieh Anak luk ngimet ruma' Allah. Tau ini uang ruma' Allah ineh, kudeng tau lutep bang kuu' idi rapet tau, pad macing kekipedneh.

BALA LUK LINIO 2:1

“Kuan melaikat sidang luk déi' Epesus do' ngayud kudeng ini: “Idi ini bala rat Neneh luk ngimet tudu' gituen bang ticu'Neh luk pa tinueh, luk nala-nalan arang tudu' kukud dawan luk ratnan amas ineh.