LUKAS 10:16 - BALA LUK DO'

¹⁶ Idi Yésus nepebala kuan anak-anak sekola'Neh, “Lemulun luk neninger nemuyuh, ieh ineh ninger Negku, idi lemulun luk nala' nemuyuh, ieh ineh nala' Negku, idi lemulun luk nala' Negku, ieh ineh nala' Neneh luk nengecuk Negku.”

LUKAS 10:16 Iomraidhean Croise

PURA' 16:7

idi pekak nebpa muyuh kali' rayeh Tuhan. Ieh pangeh neninger dureng muyuh Neneh. Baken muyuh ngedureng nekai dueh. Na kai dueh mekudeh ku ineh.”

PURA' 16:8

Idi teh kebala Musa, “Tuhan miak maré nemuyuh kuman uang kareb pa malem, idi kuman ruti pad mebor, macing pekak, ngaceku Ieh pangeh neninger dureng muyuh Neneh. Kareb muyuh ngedureng nekai dueh, setuneh muyuh ngedureng nan Tuhan!”

MALAKI 1:6

Kebala Tuhan luk Melalud kuan lun imam, “Anak ngedita' tamanneh id demulun matot nelun luk kuan neneh. Ui ini taman muyuh, ngudeh muyuh na ngedita' Negku? Ui luk kuan nemuyuh—ngudeh muyuh na matot Negku? Muyuh ngedat Negku, iamo' kebala muyuh, ‘Kudeng apehké kai nengedat Namu?’

IAP 14:11

Idi kebala Tuhan ni Musa, “Tuda' ioké pupu ini ngedat Negku? Tuda' io teh ideh na maya' Negku, sagan tu pana' inan mula' tanu' luk inau'Ku arangdeh?

IAP 14:2

Idi amungdeh tekedamut ni Musa idi Arun. Kebaladeh nedidueh, “Meluun do' kai maté déi' bawang Masir, idi su luk ali-ali ini.

IAP 16:11

Ngaceku ineh iko idi amung luk maya' namu pangeh nengedat Tuhan. Kareb muyuh tekedamut ni Arun, setuneh muyuh sikal metueh ratnan Tuhan.”

MATIUS 10:40

“Lemulun luk nganak nemuyuh, ieh teh luk nganak Negku, idi lemulun luk nganak Negku, ieh teh luk nganak Neneh luk nengecuk Negku.

MATIUS 18:5

Idi idé-idé luk nganak anak luk isuut luk kudeng ini bang ngadanKu, ieh nganak Negku teh.

MARKUS 9:37

“Idé-idé luk nganak seburur anak luk isuut mepad kudeng anak ini bang ngadanKu, idi ieh luk nganak Negku; idi idé-idé luk nganak Negku ini, setuneh baken ieh nganak Negku iamo' Ieh luk pangeh nengecuk Negku.”

LUKAS 9:48

kebalaNeh nedeh, “Idé-idé luk nganak anak luk isuut ini bang ngadanKu, ieh ineh nganak Negku; idi idé-idé luk nganak Negku, ieh ineh nganak Neneh luk nengecuk Negku. Ngaceku luk pelaba isuut rat arang amung-amung muyuh, ieh ineh luk meluun rayeh.”

YAHYA 12:44

Idi Yésus nengitang, kebalaNeh, “Idé-idé luk manu Negku, baken ieh manu Negku mo', iamo' inan Allah teh luk nengecuk Negku.

YAHYA 12:48

Lemulun luk nala' Negku idi na ngalap balaKu, inan Sebuleng luk ngukum neneh. Idi bala luk badénKu, ieh ineh luk ngukum neneh kareb aco luk kekiped.

YAHYA 13:20

Matu, Ui pebala nemuyuh luk ngalap lemulun luk icukKu, ieh ngalap Negku; iamo' lemulun luk ngalap Negku, ieh ngalap Allah luk nengecuk Negku.”

KEKAMEN RASUL-RASUL 5:4

Kareb nateh tana' ineh pinasui, bakenké ineh iko kuan? Idi kareb ieh pangeh pinasui, bakenké raganeh iko kuan? Ngudehké iko ngerawé nganau' kudeng ineh? Iko na mebalih pa kiung lemulun, iamo' pa kiung Allah.”

GALATIA 4:14

Iamo' na muyuh nengedat idi nenala' negku, sagan pana' étku mangun ku aceh tutun kuan muyuh. Iamo' muyuh nenganak negku mepad kudeng nganak melaikat Allah. Muyuh nenganak negku mepad kudeng nganak Keristus pana'.

1 TESALONIKA 4:8

Ngaceku ineh lemulun luk ngarung bada' ini, baken ieh ngarung lemulun, iamo' Allah luk maré RohNeh luk meligan kuan muyuh.