LUKAS 10:15 - BALA LUK DO'

¹⁵ Idi iko, O Kapernaum, iko pian uen ngedita' macing langit. Iamo' iko miak uen ngebeneh macing su inan até!”

LUKAS 10:15 Iomraidhean Croise

PUDUT 11:4

Idi teh kebaladeh, “Do' tau mudut aceh bawang idi aceh pudut luk medita', idi budukneh macing déi' langit, idi ratnan ineh tau miak mebala, pad tau na mepatad bang aput tana' ini.”

YESAYA 5:14

Su luk inan até melau nganét nedeh, idi tangneh mukab. Ieh nelen amung lun do' rat Yerusalim perapu lun mula' luk meria'.

YEREMIA 51:53

Sagan tu pana' Babil umak amé' bang langit idi mudut aceh libung batu déi', idi Ui miak ngecuk lemulun ngusag neneh. Ui ini Tuhan pangeh nepebala.

YEHISKIEL 26:20

Ui maré namu semuet bang su luk inan até, pad iko perurum nelun luk mulun bang kareb luk mon. Ui ngecuk namu tudo meparud pa liang tana' arang usag luk meruked dengan lun naté. Iko na miak lemubed rat ieneh, pad tudo bang tana' lun luk mulun.

YEHISKIEL 31:18

“Kayuh ineh raca' Masir idi amung anak itinneh. Kayuh Eden pana' na mepad dita' idi do'. Iamo' nekini, mepad kudeng kayuh Eden, iko miak amé' su luk inan até, pad perurum nan lemulun luk na manu nan Allah, idi teh lemulun luk pitayen bang bunu'.” Kebala Tuhan Allah, “Ui pangeh nepebala.”

YEHISKIEL 32:18

“O lemulun, nangi' idi temido kuan amung lun Masir. Ngecuk nedeh amé' su luk inan até dengan pupu baken luk mebala.

YEHISKIEL 32:20

“Ideh miak meluka' dengan lemulun luk pitayen bang bunu'. Pelapet temina' ngaté amung-amung lemulun bang bawang Masir.

YEHISKIEL 32:27

Kareb ideh tinanem na ideh inubur mepad kudeng lun mesangit bang kareb luk mon, luk iné' su luk inan até dengan ayung lun pebunu', pelapet iang pudakdeh, idi utap luun ruukdeh. Atun lun mesangit ini metueh, pad ngatot lemulun bang tana' ini.

OBADIA 1:4

Sagan tu pana' iko nganau' ruma'mu medita' mepad kudeng arar kanui, idi arang gituen, Ui miak ngusag namu.

MATIUS 10:28

Idi aleg matot nedeh luk ngaté burur mo', idi na melalud ngaté niat; iamo' do' muyuh matot nan Allah luk melalud ngaté niat idi burur pana' bang apui.

MATIUS 11:23

Idi iko, O Kapernaum, pian uen ngedita' macing langit? Iamo' iko miak temurun macing inan até', ngaceku kudeng kekamen luk melalud luk inau' bang namu pangeh inau' déi' bawang Sodom, kali' rungen ieh idi macing aco sini.

MATIUS 4:13

Idi na Ieh tudo déi' Nasarét, iamo' Ieh iné' Kapernaum, luk iring tangeb Takung Galilia luk bang babpat Sebulon idi Naptali. Idi Ieh tudo déi',

LUKAS 13:28

Idi su ineh muyuh tangi'-tangi' idi pekatep lipen, kareb muyuh nier Ibrahim, Isak, idi Yakub, idi amung-amung nabi bang Imet Allah, iamo' muyuh sebuleng duken remuat.

LUKAS 16:23

Ieh pelaba dereh bang Su luk inan Até, idi ieh netukag, idi nenier Ibrahim luk mado idi Lasarus iringneh.

BADA' RATNAN UKUM 1:28

Kudeng apehké bawang luk ulek tau? Kali' rungen tau matot? Lun luk icuk ineh nepebala, “Idi ieh ineh aceh pupu luk rayeh idi metueh rat netau. Idi bawang-bawangdeh pana' rayeh muyuh.’ Idi kebala muyuh, ‘Matu langit. Idi teh kai pangeh nenier inul lun Enak luk rayeh burur déi'.” ’

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.