LUKAS 10:14 - BALA LUK DO'

¹⁴ Kareb Aco Ngukum, Allah meluun méi nelun Sur idi Sidon rat nemuyuh.

LUKAS 10:14 Iomraidhean Croise

YOEL 3:4

“Anun luk ruen muyuh kuanKu, O Sur, Sidon, idi amung babpat Pilistin? Muyuh pian ngua' Negkuké? Kudeng muyuh nganau' kudeng ineh, Ui miak ngua' kuan muyuh dengan mesaget!

AMOS 1:9

Kebala Tuhan, “Lun Sur megéi' nganau' sala'. Kali' rungen Ui ngukum nedeh ngaceku ideh nenaban aceh pupu amé' bawang Edom. Na ideh nemaya' jani' luk inau'deh inan kinanakdeh.

AMOS 3:2

Rat arang pupu bang tana' ini muyuh sebuleng mo' luk initiKu idi luk isa'Ku. Ngaceku ineh Ui ngukum nemuyuh ngaceku sala' muyuh.”

MATIUS 10:15

gerawé do'-do'! Meluun meran ukum bawang Sodom idi Gemora, kareb Aco Ngukum, ratnan bawang ineh.

MATIUS 11:21

“Mesusa' kuanmu Korasin! Mesusa' kuanmu Baitsaida! Ngaceku kudeng kekamen luk melalud pangeh inau' bang Sur idi Sidon, kudeng luk pangeh inau' bang nemedueh, kali' rungen ideh pangeh nacung idi nuren mon.

YAHYA 3:19

Idi ini ukum ineh: acang pangeh nacing bang tana' ini, iamo' lemulun meluun sikal ku dacem ratnan acang ineh, ngaceku kekamendeh dat.

SURAT LUK BIRE PAULUS KUAN LUN RUM 2:1

O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

SURAT LUK BIRE PAULUS KUAN LUN RUM 2:27

Idi lemulun luk na sinunat, iamo' luk nganau' Ukum ineh, miak ngesala' namu luk ngelaba Ukum sagan pana' iko kali' bala luk inayud ineh idi iko sinunat teh.