LUKAS 10:11 - BALA LUK DO'

¹¹ ‘Abuh bawang muyuh luk nepedaket luun kukud kai ineh pana', kai ngegkar kuan muyuh; iamo' do' muyuh kali' idi Imet Allah pangeh muneng.’

LUKAS 10:11 Iomraidhean Croise

YEHISKIEL 2:5

Kudeng ideh ninger, kian na ninger lek, na miak na ideh kali' aceh nabi pangeh iné' nedeh.

MATIUS 10:14

Idi idé-idé luk ara' nganak nemuyuh, idi luk ara' ninger bala muyuh, kareb muyuh remuat rat bang ruma'deh idi bawangdeh, do' muyuh ngegkar abuh ratnan kukud muyuh.

MATIUS 10:7

Amé' mada', kebala muyuh, ‘Imet surga pangeh muneng.’

MATIUS 3:2

kebalaneh, “Do' muyuh uren ratnan sala' muyuh, ngaceku Imet surga pangeh muneng.”

MARKUS 6:11

Kudeng muyuh macing bang aceh bawang luk na pian nganak nemuyuh idi luk na sikal ninger bala muyuh, do' muyuh necan bawang idi ngegkar abuh luk liang depar muyuh mangun ku aceh bada' kuandeh.”

LUKAS 10:10

Iamo' kareb muyuh semuet bang bawang iapeh-iapeh pana', iamo' lemulun na nganak nemuyuh, do' muyuh remuat amé' inan dalan-dalandeh idi mala,

LUKAS 10:9

idi ngedo' lemulun luk mét bang bawang ineh, idi mala kuandeh, ‘Imet Allah pangeh muneng nemuyuh.’

LUKAS 9:5

Idi iapeh-iapeh lemulun na sikal nganak nemuyuh, do' muyuh nalan rat bang bawang ineh, idi ngegkar abuh ratnan kukud muyuh, mangun ku aceh bada' kuandeh.”

KEKAMEN RASUL-RASUL 13:26

“O kinanak-kinanakku, luk inul Ibrahim, idi amung-amung pupu baken luk idi ieni luk sembayang nan Allah; kuan tau bala ulun ini pangeh nacing.

KEKAMEN RASUL-RASUL 13:40

Ngaceku ineh matar do'-do', pad luk inayud bang surat nabi-nabi na macing nemuyuh,

KEKAMEN RASUL-RASUL 13:46

Iamo' Paulus idi Barnabas meluun mekuu' mada', kebala didueh, “Setuneh bala Allah ineh na miak na belén atun kuan muyuh, iamo' ngaceku muyuh pangeh nengarung balaNeh idi ngerawé burur muyuh na mayu ngalap ulun luk meruked, idi kai necan nemuyuh idi amé' nelun pupu baken.

KEKAMEN RASUL-RASUL 13:51

Iamo' rasul-rasul ineh nengegkar abuh ratnan kukuddeh mangun ku tanu' kuan lemulun ineh, idi ideh iné' déi' Ikonium.

SURAT LUK BIRE PAULUS KUAN LUN RUM 10:21

Iamo' kebala Yesaya ratnan pupu Israil, “Kebala Allah, ‘Tebaco-tebaco Ui nengurur ticu'Ku kuan pupu luk na maya' bala idi luk pekedaluh.’ ”

SURAT LUK BIRE PAULUS KUAN LUN RUM 10:8

Ini luk bilaneh, “Bala ineh muneng namu peh, ieh ineh bang tangmu, idi bang niatmu pana',” (ieh ineh bala manu luk badén kai).

IBERANI 1:3

Ieh merasat ku rasat rayeh Allah; Ieh mepad ayu dengan ulun Allah. Ieh ngimet luk amung-amung dengan balaNeh luk melalud. Kareb Ieh pangeh nengiu' amung-amung sala', idi Ieh netudo pa tinueh Luk Meluun Rayeh déi' dita'.