LUKAS 1:9 - BALA LUK DO'

⁹ idi ieh nekaneh udi, maya' adat imam, pad ieh semuet bang Ruma' Allah ngeseb umau luk do' buen ineh.

LUKAS 1:9 Iomraidhean Croise

INUL LUK PUN-PUN 23:13

Idi Amram, anakneh luk atun ineh nenginul Arun idi Musa. (Arun idi anak inulneh ineh itad ku kekamen maré baré luk meluun meligan, idi pad ideh ngeseb umau luk do' buen pa kiung Tuhan macing ruked-ruked, idi ngakem kuanNeh, idi maré peruan nelun mula' dengan ngadanNeh.

INUL LUK PUN-PUN 6:49

Arun idi anak-anakneh nengeseb baré luun bubpun su luk inan maré luk sabpen idi luun méja Su luk Meluun Meligan. Idi ideh nenganau' luk nguit pedo' kuan lun Israil maya' kudeng amung luk icuk Musa lun duken Allah ineh.

INUL LUK KEDUEH 26:16

Iamo' kareb Raca' Usia metueh, idi ieh iuk medita' niat, pad ieh mesala' pa kiung Allah, idi ieh nesemuet bang Ruma' Allah sikal ngeseb umau luk do' buen luun bubpun ineh.

INUL LUK KEDUEH 29:11

Idi nekini O anak-anakku, do' muyuh megéi', ngaceku muyuh pangeh pinili' Tuhan pad ngeseb umau luk do' buen kuanNeh, idi nguyut nelun mula' sembayang Neneh.”

IAP 16:40

Idi ineh mangun ku terawé kuan lun Israil, pad lemulun luk na titen ku imam, idi lun luk na inul Arun na amé' muneng idi ngeseb umau luk do' buen pa kiung Tuhan, pad ieh na kudeng Kora idi amung lun luk nemaya' neneh, maya' kudeng luk bila Tuhan ni Eliasar dengan tang Musa.

MATIUS 27:5

Idi ieh nemapet balad pirak ineh bang Ruma' Allah idi nuli', idi iné' perieret.

IBERANI 9:6

Kudeng ineh lawéneh amung ineh tinina'. Imam-imam semuet géi'-géi' bang Lepo luk pa atun ineh pian nganau' kekamen luk inandeh pekalai.

SEMUIL LUK PUN-PUN 2:28

Idi Ui nemili' neneh rat arang amung pupu Israil, pad ieh mangun ku imam kuanKu, pelé ieh maré baré luun bubpunKu, ngeseb umau luk do' buen, idi ngayung ku kakeb ruuk pa kiungKu. Idi Ui nemaré kuandeh aceh babpat ratnan amung baré luk sabpen lun Israil.