LUKAS 1:79 - BALA LUK DO'

⁷⁹ rat surga Ieh ngacang lemulun luk tudo bang lungung até luk medacem, idi nguyut netau amé' inan dalan awang.”

LUKAS 1:79 Iomraidhean Croise

AYUB 10:22

ieh ineh su luk inan dacem, lungung, idi gagau, idi acang pana' mangun ku dacem.

AYUB 3:5

Nganau' aco sineh meseraber idi medacem; mapen neneh ku laput idi ngelinged mateh aco.

NANI UBUR 107:10

Inan luk tudo bang dacem, idi lun luk tiban pidereh katem kalingdeh,

NANI UBUR 107:14

Ieh nenguit nedeh remuat rat bang dacemdeh, idi nemutut kalingdeh.

NANI UBUR 23:4

Sagan tu pana' dalan ineh lemaba dacem luk mepingot, na ui miak matot, ngaceku Iko idi denganku! Idi rukudMu luk matar negku.

NANI UBUR 25:12

Lemulun luk maya' bala Tuhan miak kali' dalanNeh.

NANI UBUR 44:19

Iamo' Iko nenecan nekai arang pung luk mesangit, idi nenima' nekai bang dacem luk mepingot.

BALE' 3:17

Ileh maré namu do' udeng idi nguyut namu dengan do', ruked ulunmu.

BALE' 8:20

Ui maya' dalan luk matu, idi teh dalan luk mesiri.

YESAYA 42:16

“Ui nguyut pupuKu luk mebuser, maya' dalan luk na nedalandeh. Ui ngisu' dacemdeh mangun ku acang, idi ngebalad tana' luk metekura'. Kali' rungen Ui nganau' luk kudeng ineh.

YESAYA 42:7

Iko miak ngalat mateh lun luk nebuser, idi muit lemulun rat bang tutup luk medacem.

YESAYA 48:17

Kebala Tuhan Allah Israil luk meligan luk ngulun nemuyuh, “Ui ini Tuhan Allah muyuh luk mada' luk do' kuan muyuh, idi luk nguyut nemuyuh maya' dalan luk petulu.

YESAYA 48:22

Kebala Tuhan, “Na luk idi awang kuan lemulun luk mesala'.”

YESAYA 49:6

Kebala Tuhan Negku, “O DemulunKu, Ui inan kekamen luk meluun rayeh kuanMu. Baken Iko nguli' pupu Yakub, idi inul Israil mo'. Iamo' Ui nganau' Namu ku acang amung pupu, pelé Iko ngacing ulun bang aput tana'.”

YESAYA 49:9

Ui pebala kuan lun luk tiban, ‘Do' muyuh mepuit!’ Idi kuan lun luk tudo bang dacem, ‘Do' semuet bang acang!’ Kareb ineh ideh mepad kudeng dumba bang laman;

YESAYA 59:8

idi seburur pana' nateh do' udeng kudeng muyuh idi. Amung-amung luk ruen muyuh na mesiri. Muyuh maya' dalan luk tekilu', idi idé-idé luk maya' dalan ineh na miak ngalap do'.

YESAYA 9:2

Lemulun luk tudo bang dacem pangeh nekali' acang luk rayeh! Ideh tudo bang bawang luk melungung, iamo' nekini acang merasat luundeh.

YEREMIA 2:6

Na ideh nengerawé Negku, sagan pana' Ui nemuit nedeh rat bawang Masir, idi nenguyut nedeh maya' déi' su luk ali-ali, ieh ineh su luk mula' pegkung bada idi luk dat ali; ieh ineh tana' luk tekering luk na delanin lemulun idi na inan lun tebawang, ngaceku inan luk katot.

YEREMIA 6:16

Kebala Tuhan kuan pupuNeh, “Tuped déi' lisangen dalan idi nier; ngitun dalan luk meruked, ieh ineh dalan luk meluun do'. Maya' dalan ineh, pad muyuh do' udeng.” Iamo' keburi'deh, “Na kai pian maya' dalan ineh.”

MATIUS 4:16

Pupu luk tudo bang dacem, miak nier acang luk rayeh. Idi kuan lemulun luk tudo bang lungung su luk inan até acang miak macing.”

LUKAS 2:32

Ieh ineh aceh acang luk ngelio dalanMu kuan lun pupu baken, idi ngacing rayeh kuan pupuMu Israil.”

YAHYA 1:9

Ini acang luk matu luk macing bang tana' ini pad ngacang amung-amung lemulun.

YAHYA 12:46

Ui ini nacing bang tana' ini mangun ku acang, pad idé-idé luk manu Negku na tudo bang dacem.

YAHYA 8:12

Yésus nemada' nedeh teh, kebalaNeh, “Ui ini Acang Tana'. Idé-idé luk maya' Negku miak ngalap acang luk maré ulun, idi na ieh miak nalan bang dacem.”

YAHYA 9:5

Ruked Ui bang tana' ini, Ui ini Acang Tana'.”

KEKAMEN RASUL-RASUL 10:36

Muyuh kali' bala luk icing Allah kuan lun pupu Israil, ieh ineh Bala luk Do' ratnan awang luk lemaba Yésus Keristus, ieh ineh luk Tuhan amung lemulun.

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

SURAT LUK BIRE PAULUS KUAN LUN RUM 3:17

Idi dalan awang na initideh,

EPESUS 5:8

Atun muyuh pekalai bang dacem, iamo' nekini muyuh luk manu idi mulun bang acang Tuhan, idi petulu muyuh mulun mepad kudeng anak-anak acang.