LUKAS 1:78 - BALA LUK DO'

⁷⁸ Allah tau mawa idi méi'. Ieh ngacing rasat ulun kuan tau,

LUKAS 1:78 Iomraidhean Croise

NANI UBUR 25:6

Ngerawé éi' idi awaMu, O Allah, luk ginala'Mu rat mon.

YESAYA 11:1

Inul Raca' Daud mepad kudeng aceh Iawa kayuh luk pangeh tibpeng; iamo' tuedneh miak nginulih. Kudeng ineh teh aceh raca' luk mebaruh miak tumui rat arang inul Daud.

YESAYA 42:16

“Ui nguyut pupuKu luk mebuser, maya' dalan luk na nedalandeh. Ui ngisu' dacemdeh mangun ku acang, idi ngebalad tana' luk metekura'. Kali' rungen Ui nganau' luk kudeng ineh.

YESAYA 63:15

O Tuhan, do' nier rat surga, su luk inanMu tudo dengan ligan idi rayehMu. Kudeng apehké éi'Mu kuan kai. Iapehké laludMu? Kudeng apehké awa idi katuMu? Aleg mekelupan nekai.

YESAYA 63:7

Ui mada' ratnan awa Tuhan luk na ugka'; Ui ngubur Neneh ngaceku amung luk inau'Neh kuan tau. Ieh nengeperuan tu-tu pupu Israil, ngaceku éi'Neh idi awanNeh luk lutep.

SEKARIA 3:8

O Yosua, Imam Rayeh, do' iko ninger idi lun rurum luk tudo pa atunmu pana'. Muyuh ineh aceh tanu' ratnan luk do' luk miak mangun muci. Ui miak maré demulunKu, luk titen Angat!

SEKARIA 6:12

Mada' neneh ratnan luk bila Tuhan luk Melalud, kebalaNeh, Lemulun luk titen Angat miak temubu' su luk inanNeh, idi mudut Ruma' Tuhan baruh.

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

IAP 24:17

Ui nier luk mangun muci aco, idi ui nier pupu Israil. Sebuleng gituen macing rat ni Yakub, idi sebuleng rukud raca' rat ni Israil. Ieh miak ngareg lun rayeh Moab, idi amung lemulun pesingaro.

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

EPESUS 5:14

Ngaceku anun-anun luk ginala' bang acang, ieh ineh macang. Ini punneh Tuhan pebala, “Kulat, O iko luk rudap, idi tumui rat arang lun naté! Idi Keristus macang luunmu.”

PILIPI 1:8

Allah kali' ratnan ui sikal papu' nemuyuh dengan éi' Yésus Keristus.

PILIPI 2:1

Inanké ulun muyuh bang Keristus ngetueh nemuyuh? Inanké awaNeh ngubuk nemuyuh? Inanké rurum muyuh dengan Roh? Inanké muyuh mawa idi méi' seburur dengan seburur?

KOLOSE 3:12

Muyuh ini pupu Allah. Ieh mawa nemuyuh idi nemili' nemuyuh mangun ku pupuNeh sebuleng. Ngaceku ineh do' muyuh ngayung ku katu, beneh niat, idi kadang niat.

2 PETRUS 1:19

Idi kai meluun rapet ku bala luk bida' nabi, idi do' muyuh ngerawé ineh, ngaceku ieh mepad kudeng lapung luk merasat bang su luk medacem, pad Aco masat, idi gituen rat pa busat aco masat idi ngacang bang niat muyuh.

1 YAHYA 3:17

Kudeng seburur lun do' kali' kinanakneh masi', iamo' na méi' neneh, kudeng apehké ieh miak ngamo awa Allah idi bang niatneh?

BALA LUK LINIO 22:16

“Ui ini Yésus pangeh nengecuk melaikatKu maré kali' ratnan amung-amung ini namu bang amung-amung sidang. Ui ini uat idi inul Daud, idi gituen pekak luk merasat ineh.”