LUKAS 1:71 - BALA LUK DO'

⁷¹ Ieh nepejani' muit netau ratnan bunu' tau, idi ratnan lalud lemulun luk megateh netau.

LUKAS 1:71 Iomraidhean Croise

RACA'-RACA' LUK KEDUEH 17:39

Do' muyuh matot Negku, ieh ineh Tuhan Allah muyuh. Idi Ui miak muit nemuyuh ratnan bunu' muyuh.”

NANI UBUR 106:10

Ieh nengulun nedeh ratnan lemulun luk megateh nedeh; idi nemuit nedeh ratnan bunu'deh.

NANI UBUR 106:47

Ngulun nekai, O Tuhan Allah kai, idi nguit nekai lemubed rat arang pupu baken, pad kai ngubur ngadanMu luk meligan, idi maré ubur Namu dengan mawang niat.

YEREMIA 23:6

Kareb Ieh mangun ku raca', pupu Yahuda miak do' udeng idi lun Israil na inan bunu'. Ideh miak neten raca' ineh ‘Tuhan Pangeh Nengulun Netau.’

YEREMIA 32:37

Ui pian ngamung amung-amung pupu rat anid-anid bawang luk inanKu nematad nedeh dengan useh idi gatehKu. Idi Ui sikal nguit nedeh muli' amé' bawang ini, pad ideh do' udeng.

YEHISKIEL 28:26

dengan do' udeng. Ideh mudut ruma' idi teh ideh nibu anggur. Ui miak ngukum nelun dengandeh luk nesitunga nedeh, pad Israil do' udeng pelé ideh kali' Ui ini Tuhan Allahdeh.”

YEHISKIEL 34:25

Ui nganau' aceh jani' kuandeh luk maré ulun kuandeh. Ui nala' amung pung luk mesangit rat bang bawang ineh, pelé dumbaKu mulun dengan do' bang laman idi rudap bang pulung pana'.

YEHISKIEL 34:28

Lun luk na manu na miak ngaro nedeh baruh, idi pung luk mesangit na miak ngaté idi kuman nedeh. Ideh do' udeng idi na lun ngatot nedeh.

YEHISKIEL 38:8

Pangeh tuda'-tuda' lak Ui ngecuk namu ngerieng aceh bawang su luk inan lemulun tudo dengan na matot bunu' rat kareb ideh pimung rat bang tuda'-tuda' bawang. Iko miak ngerieng pegkung-pegkung Israil luk mio tican, iamo' nekini ideh do' udeng su ineh.

LUKAS 1:68

“Do' tau ngubur Tuhan Allah lun Israil! Ieh iné' ngedengan pupuNeh, pad Ieh nemuit nedeh.

BADA' RATNAN UKUM 33:29

O Israil iko pelaba samal! Idé luk mepad kudeng iko? Iko aceh pupu luk inuli' Tuhan. Ieh ineh utap luk ngedengan namu, idi pelapet luk maré namu metueh! Amung bunu'mu miak ngebeneh bururdeh namu, idi iko miak ngeradu' suruddeh luk medita'.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.