LUKAS 1:70 - BALA LUK DO'

⁷⁰ Mon Ieh nepebala dengan tang nabi-nabiNeh luk meligan:

LUKAS 1:70 Iomraidhean Croise

PUDUT 12:3

“Ui ngeperuan idé-idé luk ngeperuan namu. Iamo' Ui ngediman lemulun luk ngediman namu. Idi rat namu amung-amung pupu luk bang tana' ini miak ngalap peruan.”

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

SEMUIL LUK KEDUEH 23:2

“Roh Tuhan pebala maya' tangku; idi balaNeh idi luun dila'ku.

YEREMIA 23:5

Kebala Tuhan, “Kali' rungen muci Ui miak mili' aceh inul Daud luk matu mangun ku raca'. Raca' ineh mileh ngimet idi miak nganau' luk mesiri idi luk matu aput-aput tana'.

YEREMIA 30:10

“O pupuKu, aleg muyuh matot. O muyuh lun Israil, aleg muyuh merapang. Ui muit nemuyuh ratnan bawang luk mado, ratnan tana' Babil luk inan muyuh tiban. Muyuh miak muli' dengan mawang niat, pad muyuh do' udeng, idi seburur pana' nateh luk miak ngatot nemuyuh.

MARKUS 12:36

Ngaceku Daud nepebala bang Roh Meligan, ‘Tuhan nepebala kuan Tuhanku, Tudo Iko pa tinuehKu, pad Ui nganau' bunu'-bunu'Mu mangun ku tapin kukudMu.’

LUKAS 24:44

Idi Ieh nepebala kuandeh, “Ini balaKu luk pangeh bilaKu kuan muyuh kareb Ui idi dengan muyuh atun, idi na miak na uen ngacing amung-amung luk pangeh inayud ratnan bururKu rat bang Ukum Musa, surat nabi-nabi, idi Nani Ubur ineh teh.”

KEKAMEN RASUL-RASUL 28:25

Idi ideh nenalan dengan na perurum arangdeh sebuleng. Ngaceku Paulus pangeh nemada' bala ineh, “Matu-matu bala luk bila Roh Meligan dengan tang Nabi Yesaya kuan tepun muyuh!

SURAT LUK BIRE PAULUS KUAN LUN RUM 1:2

Bala luk Do' ineh pijani' Allah mon dengan tang nabi-nabi, idi pangeh inayud bang Surat Allah.

IBERANI 3:7

Ngaceku ineh maya' bala Roh Meligan, “Bang aco sini kudeng muyuh ninger bala Allah,

1 PETRUS 1:12

Idi kuan nabi-nabi ineh pangeh ginala' Allah, baken ideh ngakem kuan bururdeh sebuleng, iamo' kuan muyuh, bang luk amung-amung luk pangeh bida' kuan muyuh nekini lemaba nabi-nabi ineh luk tigio Roh Meligan luk paneh icuk macing rat surga pad ngacing Bala luk Do' kuan muyuh. Idi ratnan luk kudeng ineh melaikat-melaikat pana' sikal kali'.

2 PETRUS 1:21

ngaceku na luk idi bala nabi luk macing maya' pian lemulun, iamo' acingneh ratnan Allah, idi bila lemulun luk tigio Roh Meligan.

2 PETRUS 3:2

pad muyuh ngerawé ratnan bala luk bida' nabi-nabi luk meligan atun, idi ukum Tuhan, Lun Nengulun, luk biré rasul-rasul luk icuk kuan muyuh.

BALA LUK LINIO 19:10

Ui netekeradung sembayang neneh, iamo' kebalaneh negku, “Aleg nganau' kudeng ineh! Ui pana' demulun teh mepad kudeng iko, idi mepad kudeng amung-amung kinanakmu luk ngimet luk nekali' Yésus. Do' sembayang inan Allah.” Ngaceku bada' luk matu luk ginala' Yésus, ieh ineh luk ngegio niat nabi-nabi.