LUKAS 1:68 - BALA LUK DO'

⁶⁸ “Do' tau ngubur Tuhan Allah lun Israil! Ieh iné' ngedengan pupuNeh, pad Ieh nemuit nedeh.

LUKAS 1:68 Iomraidhean Croise

PUDUT 14:20

Idi amung-amung ubur kuan Allah luk Meluun Dita', luk nemaré namu metueh ratnan bunu'mu!” Idi Abram nemaré kuanneh babpat pulu' ratnan amung-amung luk ilapneh ineh.

PUDUT 24:27

kebalaneh, “Amung ubur kuan Tuhan, ieh ineh Allah tuanku Ibrahim, luk lutep maya' jani'Neh kuan tuanku. Idi Tuhan pangeh nenguyut negku macing bang ruma' kinanak tuanku.”

PUDUT 9:26

Ubur kuan Tuhan, luk Allah Sem! Kanaan ineh mangun ku demulunneh.

RACA'-RACA' LUK PUN-PUN 1:48

kesembayangneh, ‘Amung ubur kuan Tuhan Allah lun Israil, luk pangeh nemaré seburur anakku aco sini mangun ku raca' libalku, pad matehku sebuleng nier neneh.’ ”

RACA'-RACA' LUK PUN-PUN 8:15

Idi kebalaneh, “Amung ubur kuan Tuhan Allah lun Israil luk pangeh nengacing jani'Neh kuan tamanku Daud, kebalaNeh,

INUL LUK PUN-PUN 29:10

Daud nengubur Tuhan pa kiung amung lun mula' ineh, kebalaneh, “Amung ubur kuanMu, O Tuhan Allah tepun kai Yakub, rat mon idi macing ruked-ruked.

INUL LUK PUN-PUN 29:20

Pangeh ineh idi Daud nepebala inan lun mula' ineh, “Do' muyuh ngubur Tuhan Allah muyuh.” Idi amung lun mula' ineh nengubur Tuhan Allah tepundeh. Idi ideh netekunal sembayang inan Tuhan, pa kiung raca'.

NANI UBUR 106:48

Do' tau ngubur Tuhan Allah lun Israil; ngubur Neneh rat nekini macing ruked-ruked! Idi do' amung lemulun mala, “Amin!” Ngubur Tuhan.

NANI UBUR 111:9

Ieh nenguit ulun kuan pupuNeh, idi nenganau' aceh jani' luk meruked kuandeh. Tuhan ineh meligan idi melalud!

NANI UBUR 130:8

Ieh miak ngulun pupuNeh lun Israil ratnan amung sala'deh.

NANI UBUR 41:13

Do' tau ngubur Tuhan, Allah lun Israil, luk rat mon macing ruked-ruked! Amin! Amin!

PURA' 4:31

Idi ideh manu kareb ideh neninger Tuhan pangeh méi' kuan lun Israil idi nenier derehdeh, pad ideh netekeradung idi sembayang Neneh.

LUKAS 1:71

Ieh nepejani' muit netau ratnan bunu' tau, idi ratnan lalud lemulun luk megateh netau.

LUKAS 19:44

Ideh miak ngusag namu idi ngaté anak-anakmu, idi sebuleng batu pana' luk pebuun dengan luk baken na ketecan bang namu, ngaceku iko na nekali' karebneh Allah iné' ngulun namu.”

LUKAS 2:38

Kareb ineh teh ieh nacing maré ubur inan Allah, idi nepebala ratnan anak ineh kuan amung lemulun luk nganét Allah nguli' Yerusalim.

LUKAS 24:21

Iamo' tau ini merapet Ieh luk miak nguli' nelun Israil. Meluun teh, aco sini abud aco luk keteluh ngimun ratnan amung-amung ineh luk pangeh mangun.

LUKAS 7:16

Idi lun mula' ineh pelaba tot idi nengerayeh Allah, keburi'deh, “Aceh nabi luk rayeh pangeh nacing arang tau,” idi “Allah pangeh nengikak pupuNeh.”

EPESUS 1:3

Do' tau ngubur Allah, Taman Tuhan tau Yésus Keristus! Ngaceku Ieh pangeh nengeperuan netau bang Keristus dengan amung-amung baré Roh luk rat surga.

EPESUS 1:7

Ngaceku ratnan dara' Keristus tau pangeh inuli', ieh ineh Allah maré do' ratnan amung-amung sala', maya' katuNeh luk mela ineh,

IBERANI 9:12

Kareb Keristus nelemaba Lepo idi nesemuet sekua' mo' bang Su luk Meluun Ligan ineh, na Ieh nenguit dara' amék idi sapi' ku aceh baré; iamo' Ieh nenguit dara'Neh sebuleng, pad Ieh nengacing ulun luk meruked kuan tau.

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.

SEMUIL LUK PUN-PUN 25:32

Idi kebala Daud ni Abigail, “Amung ubur kuan Tuhan Allah lun Israil luk nengecuk namu amé' matun negku aco sini.