LUKAS 1:66 - BALA LUK DO'

⁶⁶ Idi amung lemulun luk neninger ineh nengerawé idi nengitun, kebaladeh, “Anunké miak mangun kuan anak ini?” Ngaceku lalud Tuhan idi neneh.

LUKAS 1:66 Iomraidhean Croise

PUDUT 37:11

Idi kinanak-kinanak Yusup mét niat neneh, iamo' tamanneh megéi' ngerawé bala ineh.

PUDUT 39:2

Idi Tuhan nengedengan ni Yusup, pad ieh inan peruan bang luk amung-amung. Idi ieh tudo bang ruma' tuanneh luk lun Masir ineh.

RACA'-RACA' LUK PUN-PUN 18:46

Idi lalud Tuhan idi dengan Elia, pad ieh nengalak paped kuyu' boyorneh luun awa'neh; idi ieh nupun pa atun Akab, pad ieh nacing déi' Yesril.

NANI UBUR 119:11

Ui ngimet ukumMu bang niatku, pad ui na nganau' sala' pa kiungMu.

NANI UBUR 80:17

Ngelibung idi matar pupu luk pinili'Mu, idi bawang luk inau'Mu metueh!

NANI UBUR 89:21

TuehKu megéi' ngedengan neneh, idi laludKu miak ngetueh neneh.

LUKAS 1:80

Idi anak ineh pana' netemubu' idi iuk-iuk amé' rayeh rohneh. Idi ieh netudo déi' su luk ali-ali pad macing kareb ieh nengegala' bururneh kuan lun Israil.

LUKAS 2:19

Iamo' Mariam nengerawé amung bala ini bang niatneh.

LUKAS 2:40

Idi anak ineh netemubu' idi amé' metueh, idi Ieh mepanu' ku ileh, idi katu Allah pana' idi denganNeh.

LUKAS 2:51

Idi Yésus nemaya' nedidueh nuli' iné' Nasarét. Idi Ieh nemaya' bala didueh. Idi tinanNeh nenganug amung ineh bang niatneh.

LUKAS 9:44

“Aleg kelupan luk belénKu nemuyuh, ngaceku Anak-Lemulun miak barén bang palad lemulun.”

KEKAMEN RASUL-RASUL 11:21

Idi lalud Tuhan nengedengan nedeh, pad mula' lemulun manu idi lumi inan Tuhan.

KOLOSE 1:5

Kareb Bala luk Do', ieh ineh bada' luk matu ineh nacing nemuyuh atun, muyuh neninger ratnan rapet luk barénneh. Anu idi awa muyuh tipin luun luk inan muyuh merapet ineh luk dinug kuan muyuh déi' surga.

SEMUIL LUK PUN-PUN 16:18

Idi kebala seburur lun tareh Saul, “Ui pangeh nenier seburur anak Isai lun Baitlahim ineh luk mileh nateg giula'. Ieh seburur luk mekuu' idi metueh, idi teh ieh metaga idi mileh pegayam. Idi Tuhan pana' idi denganneh.”

SEMUIL LUK PUN-PUN 2:18

Semuil anak ineh ngakem kuan Tuhan. Idi ieh nengayung ku kakeb ruuk ratnan kibung pu.