LUKAS 1:6 - BALA LUK DO'

⁶ Idi didueh ineh lemulun luk matu pa kiung Allah, idi maya' amung-amung bala idi ukum Tuhan dengan na sala'.

LUKAS 1:6 Iomraidhean Croise

PUDUT 17:1

Kareb ulun Abram iwa' ngepulu' iwa' lak idi Tuhan nesilagan neneh, idi kebalaNeh, “Ui ini Allah luk Melalud. Idi do' iko maya' balaKu, idi nganau' luk matu.

PUDUT 6:9

Ini bala ratnan Noh. Ieh inan teluh anak, Sem, Ham, idi Yapet. Noh ineh selemulun luk matu idi mesiri niat arang lemulun bang kareb ineh. Idi ieh perurum dengan Allah.

PUDUT 7:1

Idi kebala Tuhan Allah ni Noh, “Semuet iko dengan amung uang tetek ruma'mu bang alud rayeh ineh, ngaceku iko mo' luk matu pa kiungKu arang amung-amung lemulun luk luun tana' ini.

RACA'-RACA' LUK PUN-PUN 15:5

Ngaceku Daud pangeh nenganau' luk do' pa kiung Tuhan, idi na ieh nengelaba balaNeh seruked ulunneh, iamo' sebuleng mo' sala'neh, ratnan lawé Uria lun Hiti ineh.

RACA'-RACA' LUK PUN-PUN 9:4

Idi kudeng iko maya' Negku mepad kudeng tamanmu Daud dengan matu idi mepiteb niat, idi kudeng iko nganau' amung-amung luk pangeh bida'Ku namu, pad iko nginita amung ukumKu,

RACA'-RACA' LUK KEDUEH 20:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

INUL LUK KEDUEH 17:4

Ieh nesembayang nan Allah tamanneh. Idi ieh nemaya' amung ukum Allah. Idi na ieh nenginud kekamen raca'-raca' Israil.

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 1:8

Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

NANI UBUR 119:6

Kudeng ui ngerawé amung ukumMu, idi ui na miak migu'.

LUKAS 1:7

Iamo' didueh na anak, ngaceku Elisabet ineh aceh decur luk na anak, idi didueh pana' pangeh mengered.

LUKAS 16:15

Iamo' kebala Yésus nedeh, “Muyuh luk ngatu burur muyuh sebuleng pa kiung lemulun, iamo' Allah kali' niat muyuh; ngaceku anun-anun luk siren medita' pa kiung lemulun, na ulekneh pa kiung Allah.

LUKAS 2:25

Idi déi' Yerusalim inan seburur lemulun, ngadanneh Simion. Ieh ineh lemulun luk matu idi luk matot inan Allah, idi ieh nganét aco luk inan Israil uen ngulun. Idi Roh Meligan idi denganneh.

KEKAMEN RASUL-RASUL 2:25

Ngaceku Daud nemala ratnan Ieh kudeng ini: ‘Ui pangeh nenier Tuhan megéi' pa kiungku; Ieh idi pa tinuehku, pelé ui na mesusa'.

KEKAMEN RASUL-RASUL 23:1

Idi Paulus nenutong tebubpun besara' ineh, kebalaneh, “O kinanak-kinanakku! Ratnan ulunku ini ui meran niat pa kiung Allah macing aco sini.”

KEKAMEN RASUL-RASUL 24:16

Ngaceku ineh ui megéi' ngekél bururku sebuleng pad teruayen niatku na mesala' pa kiung Allah idi pa kiung lemulun pana'.

KEKAMEN RASUL-RASUL 8:21

Iko na babpat bang kekamen kai ini, ngaceku niatmu na mesiri pa kiung Allah.

SURAT LUK BIRE PAULUS KUAN LUN RUM 8:4

Allah nenganau' ineh, pad anun-anun luk icuk bang Ukum ineh miak uen ngeriput bang burur tau, luk na mulun maya' pinian burur, iamo' maya' pian Roh.

1 KORINTUS 11:2

Ui ngubur nemuyuh ngaceku muyuh megéi ngerawé idi maya' bada' luk biréku nemuyuh.

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

BADA' RATNAN UKUM 5:33

Idi do' muyuh maya' amung dalan luk tinicul Tuhan Allah nemuyuh, pad ulun muyuh mekadang idi muyuh do' udeng bang bawang luk inan muyuh tebawang.

PILIPI 2:15

pad muyuh na mesala' idi niat muyuh pana' meligan peh, ieh ineh anak-anak Allah luk na mesala' arang uned pupu luk tekilu' idi luk mesala'. Do' muyuh merasat arangdeh mepad kudeng gituen-gituen déi' langit,

KOLOSE 1:22

Iamo' nekini Ieh pangeh nenganau' nemuyuh pedo' dengan até AnakNeh luk bang burur lemulun, pad nguit nemuyuh amé' matun luk meligan dngan na melutak idi mesala' pa kiung Allah,

1 TESALONIKA 3:13

Dengan luk kudeng ineh Ieh miak ngepicet niat muyuh, pad muyuh meligan dengan na melutak idi na mesala' pa kiung Allah, Taman tau, kareb acing Tuhan tau Yésus dengan amung-amung lun manu.

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

1 YAHYA 2:29

Muyuh kali' Keristus ineh matu. Ngaceku ineh, petulu muyuh kali' idi anid-anid burur lemulun luk nganau' luk matu, ieh ineh anak Allah.

1 YAHYA 2:3

Kudeng tau maya' ukum-ukum Allah, tau kali' tau pangeh nengiti Neneh.

1 YAHYA 3:7

O anak-anakku, aleg muyuh uen lun naluk! Lemulun luk nganau' luk matu ineh, ieh teh matu, mepad kudeng Keristus matu teh.