LUKAS 1:53 - BALA LUK DO'

⁵³ Lemulun luk melau binorNeh ku luk do', idi lemulun luk lun do' icukNeh buro dengan na uang.

LUKAS 1:53 Iomraidhean Croise

NANI UBUR 146:7

luk mutut ukum luk matu kuan lemulun luk pidereh, idi luk maré akan kuan lemulun luk melau. Tuhan muit lemulun luk tiban,

NANI UBUR 34:10

Balang pana' masi' akan idi melau teh, iamo' lemulun luk merapet inan Tuhan na luk idi asi'deh.

YEHISKIEL 34:29

Ui maré nedeh tana' luk mebaleng, pad na lun melau bang bawang ineh. Lun pupu baken na situnga nedeh baruh.

MATIUS 5:6

“Samal kuan lemulun luk melau idi meparingku luk matu, ngaceku ideh miak uen ngebor.

LUKAS 1:54

Ieh nengedengan pupu Israil, demulunNeh, ngaceku Ieh ngerawé éi'Neh,

LUKAS 6:21

“Samal kuan muyuh luk melau nekini; ngaceku muyuh miak uen ngebor. “Samal kuan muyuh luk nangi' nekini; ngaceku muyuh miak meriruh.

LUKAS 6:24

“Iamo' mesusa' kuan muyuh luk lun do' nekini; ngaceku muyuh do' udeng bang tana' ini!

YAHYA 6:35

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

1 KORINTUS 1:26

Ngerawé muyuh, O kinanak-kinanakku, ratnan ulun muyuh kareb muyuh tinawar Allah. Pawa' muyuh luk mileh idi melalud idi mebala maya' terawé lemulun.

1 KORINTUS 4:8

Kali' rungen muyuh mebor! Kali' rungen muyuh lun do'! Muyuh pangeh mangun ku raca'-raca', iamo' kai nateh! Setuneh ui pian ku muyuh mangun ku raca'-raca', pad kai miak mangun ku raca'-raca' dengan muyuh!

SEMUIL LUK PUN-PUN 2:5

Lun luk mebor atun masui bururdeh ku akan. Idi lun luk melau na melau peh. Decur luk na anak miak nenganak tudu' anak. Idi luk mula' anak na inan anak ketecan.