LUKAS 1:49 - BALA LUK DO'

⁴⁹ ngaceku Luk Meluun Lalud pangeh nenganau' aceh kekamen luk rayeh kuanku. NgadanNeh ineh meligan,

LUKAS 1:49 Iomraidhean Croise

PUDUT 17:1

Kareb ulun Abram iwa' ngepulu' iwa' lak idi Tuhan nesilagan neneh, idi kebalaNeh, “Ui ini Allah luk Melalud. Idi do' iko maya' balaKu, idi nganau' luk matu.

NANI UBUR 111:9

Ieh nenguit ulun kuan pupuNeh, idi nenganau' aceh jani' luk meruked kuandeh. Tuhan ineh meligan idi melalud!

NANI UBUR 24:8

Idéké Raca' luk rayeh ineh? Ieh ineh Tuhan, luk metueh idi melalud, Tuhan luk metueh bang bunu'.

NANI UBUR 99:3

Amung-amung lemulun miak ngubur ngadanNeh luk rayeh idi luk medita'. Ieh luk meligan!

NANI UBUR 99:9

Ngubur Tuhan Allah tau, idi do' tau sembayang luun pegkungNeh luk meligan! Tuhan Allah tau ineh meligan!

PURA' 15:11

“O Tuhan, idé luk mepad kudeng Iko arang amung allah? Idé luk mepad kudeng Iko, luk rayeh bang ligan? Idé luk nganau' tanu' idi kekamen luk melalud mepad kudeng luk inau'Mu?

YESAYA 1:24

Ngaceku ineh kebala Tuhan amung baweh, ieh ineh Allah Israil luk Melalud: “O bunu'Ku, Ui ngua' nemuyuh pad muyuh na ngesusa' Negku.

YESAYA 57:15

“Ui ini Allah luk medita' idi meligan, luk mulun ruked-ruked. Ui tudo déi' su luk medita' idi meligan. Idi teh Ui tudo dengan lemulun luk nginuud idi luk mebeneh niat pelé Ui nuneb nedeh pad ideh merapet teh.

YESAYA 6:3

Ideh ngitang seburur inan seburur: “Meligan, meligan, meligan! Tuhan luk Melalud ineh meligan! Tana' ini maput ku rayehNeh.”

YESAYA 63:1

“Idéké luk macing rat Bosra luk bang bawang Edom? Idéké luk nengayung ku kibung luk mesia' luk pelaba do', idi luk nalan dengan pelaba tagep?” “Ieh ineh Tuhan luk ngulun dengan laludNeh. Ieh amé' mada' tuehNeh.”

YEREMIA 10:6

O Tuhan, na lun luk kudeng Iko; Iko luk metueh, idi ngadanMu rayeh idi melalud.

YEREMIA 20:11

Iamo' Iko Tuhan luk kuanku. Iko luk metueh idi melalud, idi lun luk ngedereh negku miak metebaceng idi na miak metueh. Ideh miak uen ngigu' ngaceku ideh na miak metueh. Ideh migu' ruked-ruked idi na mekelupan.

MARKUS 5:13

Idi Ieh nenima' nedeh. Idi ada'-ada' ineh neremuat, idi ideh nesemuet bang burur barek ineh. Idi kinula' barek ineh lélé dueh ngeribu. Idi ideh nupun musul pegkung ineh idi nubpa bang Takung Galilia, idi ideh naté bang takung ineh.

LUKAS 1:48

ngaceku Ieh pangeh nekali' ratnan beneh demulunNeh! Idi rat pad kareb ini amung inul miak mala ui luk inan samal,

LUKAS 1:50

idi éi'Neh lutep kuan anid-anid inul luk matot Neneh.

EPESUS 3:20

Idi kuan Allah luk melalud nganau' dengan ela-ela anun-anun luk pituen tau idi luk teruayen tau pana', maya' laludNeh luk ngakem bang netau:

BALA LUK LINIO 15:4

Idéké luk na matot Namu, O Tuhan? Idéké luk ara' mada' rayehMu? Iko sebuleng mo' luk meligan. Amung-amung pupu miak amé' sembayang pa kiungMu, ngaceku kekamenMu luk matu pangeh megala'.

BALA LUK LINIO 4:8

Idi apat pudut luk mulun ineh, anid-aniddeh inan anem ilad, panu' ku mateh pa luun idi pa dalem, idi ideh menani dengan na ucu' tebaco kedangan, “Meligan, meligan, meligan Tuhan Allah luk Melalud, Luk pangeh idi atun, Luk idi nekini, idi Luk miak macing teh.”

SEMUIL LUK PUN-PUN 2:2

“Seburur pana' nateh luk meligan mepad kudeng Tuhan. Ngaceku na luk baken iamo' Iko mo' sebuleng. Na luk idi pegkung batu mepad kudeng Allah tau.