LUKAS 1:41 - BALA LUK DO'

⁴¹ Kareb Elisabet neninger tabi' Mariam ineh, idi anak luk bang nakanneh ineh pana' nesigio, idi Elisabet pana' nepanu' ku Roh Meligan.

LUKAS 1:41 Iomraidhean Croise

PUDUT 25:22

Idi anak rapid nesigio bang nakanneh. Idi kebalaneh, “Na ui tuman ku luk kudeng ini.” Idi ieh iné' ngitun inan Tuhan.

NANI UBUR 22:10

Ui pangeh merapet Namu rat karebku tinganak, idi Iko luk Allahku rat punku mulun.

LUKAS 1:15

ngaceku ieh miak mangun rayeh pa kiung Tuhan. Idi na ieh miak ngirup abpa' anggur idi luk rupen luk dat, idi ieh miak mepanu' ku Roh Meligan rat bang batek tinanneh.

LUKAS 1:40

Ieh numak ruma' Sekaria, idi nemaré tabi' ni Elisabet.

LUKAS 1:42

Idi ieh nengitang kebalaneh, “Iko luk inan samal rat arang amung-amung decur, idi samal kuan anak luk uenmu nenganak ineh.

LUKAS 1:44

Ngaceku kareb ui neninger tabi'mu ineh anak luk bang nakanku pana' nesigio ngaceku awang niatneh.

LUKAS 1:67

Idi Sekaria taman Yahya nepanu' ku Roh Meligan idi ieh nemada' bala luk biré Allah, kebalaneh,

LUKAS 4:1

Idi Yésus pana' nepanu' ku Roh Meligan, kareb Ieh nelemubed rat Yarden. Idi Roh ineh nenguyut Neneh iné' su luk ali-ali.

KEKAMEN RASUL-RASUL 2:4

Idi amung-amungdeh pana' mepanu' ku Roh Meligan, pad ideh nengimun peburi' dengan raput-raput buri' kareb Roh ineh nemaré nedeh peburi'.

KEKAMEN RASUL-RASUL 4:8

Idi pangeh ineh Pétrus luk mepanu' ku Roh Meligan nengor baladeh, keburi'neh, “O muyuh lun ngimet idi lun rayeh teh,

KEKAMEN RASUL-RASUL 6:3

Ngaceku ineh, O kinanak-kinanak, mili' rat arang muyuh tudu' burur luk buren idi luk mepanu' ku Roh Meligan idi ileh, luk miak uen kai ngeletep kuan kekamen ini.

KEKAMEN RASUL-RASUL 7:55

Iamo' Stepanus luk mepanu' ku Roh Meligan netengook déi' langit idi nenier rayeh Allah idi Yésus luk tuped pa tinueh Allah.

KEKAMEN RASUL-RASUL 9:17

Idi Ananias iné' idi nesemuet bang ruma' ineh, idi nengerareng ticu'neh luun Saul, keburi'neh, “O kinanakku Saul, ui ini icuk Tuhan, ieh ineh Yésus luk nengegala' bururNeh kuanmu uned dalan luk dinalanmu ina di, pad iko miak nier baruh teh, idi pad iko mepanu' ku Roh Meligan.”

EPESUS 5:18

Aleg muyuh mabuk ku arak luk ngusag ulun muyuh, iamo' do' muyuh mepanu' ku Roh.

BALA LUK LINIO 1:10

Kareb aco Tuhan ui tigio Roh, idi ui neninger rat pa ketedku aceh uni tang luk rayeh kudeng uni serupit.