LUKAS 1:35 - BALA LUK DO'

³⁵ Idi kebala melaikat ineh, “Roh Meligan miak temurun luunmu, idi lalud Allah miak nucung namu. Ngaceku ineh anak luk meligan ineh miak tetanen Anak Allah.

LUKAS 1:35 Iomraidhean Croise

AYUB 14:4

Luk meligan na miak remuat ratnan luk melutak kudeng lemulun.

AYUB 15:16

Idi lemulun ngirup luk dat mepad kudeng abpa'; matu lemulun pelaba dat idi na mayu.

AYUB 25:4

Inanké lemulun luk matu idi meligan siren Allah?

NANI UBUR 2:7

Kebala raca', “Ui maré kali' luk bila Tuhan. Kebala Tuhan negku: ‘Iko anakKu. Aco sini Ui mangun ku TamanMu.

NANI UBUR 51:5

Ui dat idi mesala' rat aco ui tinganak.

MATIUS 1:18

Kudeng ini lawéneh Yésus Keristus tinganak. TinanNeh Mariam pangeh tinuduk Yusup, iamo' kareb nateh didueh nepaweh, idi Mariam kali' ieh mali' ratnan Roh Meligan.

MATIUS 1:20

Iamo' kareb ieh ngerawé kudeng ini, aceh melaikat Tuhan nesilagan neneh kareb ieh nenginupi, keburi'neh, “O Yusup, anak Daud, aleg iko merapang ngalap ni Mariam ku awanmu. Ngaceku luk bang nakanneh ineh inau' Roh Meligan.

MATIUS 14:33

Idi anak sekola' Yésus luk bang alud ineh netekeradung sembayang Neneh, kebaladeh, “Matu, Iko Anak Allah.”

MATIUS 27:54

Idi kareb lun rayeh lun pebunu' idi lemulun luk tudo denganneh matar Yésus nekali' tana' meruyuh, dengan amung-amung luk pangeh mangun, ideh pelaba tot, idi keburi'deh, “Matu, Ieh Anak Allah.”

MATIUS 4:3

Idi Iblis iné' Neneh, kebalaneh, “Kudeng matu Iko Anak Allah, do' Iko ngisu' batu-batu ini mangun ku ruti kenenMu.”

MARKUS 1:1

Ini pun-pun Bala luk Do' ratnan Yésus Keristus Anak Allah.

MARKUS 1:24

keburi'neh, “O Yésus lun Nasarét, anunké luk pianMu nekai? Iko macing sikal ngaté nekaiké? Ui kali' Namu ini, ieh ineh Lemulun luk Meligan luk nacing ratnan Allah.”

LUKAS 1:27

Ieh nenguit bala kuan seburur anak decur luk pun mebaruh, luk petuduk dengan seburur deléi ngadanneh Yusup, ratnan inul Daud. Idi ngadan decur ineh Mariam.

LUKAS 1:34

Idi kebala Mariam nan melaikat ineh, “Kudeng apehké amung ini miak mangun, ngaceku ui nateh nekali' deléi'?”

LUKAS 1:36

Ngerawé pupumu Elisabet ineh. Kebaladeh, ieh na miak inan anak; iamo' ieh mali' pangeh anem bulan, sagan tu pana' ieh mengered.

YAHYA 1:34

Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

YAHYA 1:49

Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

KEKAMEN RASUL-RASUL 8:36

Kareb didueh uned maya' dalan ineh, idi didueh nacing inan aceh abpa'. Idi lemulun luk pinani' ineh nepebala, “Ieni inan abpa', anunké luk mebpeng negku na rerebpen?” [

SURAT LUK BIRE PAULUS KUAN LUN RUM 1:4

iamo' maya inul Roh luk ngeligan pangeh ginala' dengan lalud rayeh ratnan Ieh Anak Allah, ngaceku tuiNeh ratnan até.

GALATIA 2:20

Ui pangeh sinalib dengan Keristus. Idi ulunku ini baken ui teh, iamo' Keristus luk mulun bang negku. Ulunku luk nekini, ieh ineh ulun ratnan anu inan Anak Allah luk pangeh mawa negku idi luk nemaré bururNeh ngaceku ui.

EPESUS 2:3

Setuneh atun amung tau mepad kudeng ideh. Tau mulun maya' pinian burur tau, idi nenganau' anun-anun luk petulu dengan terawé tau. Idi tau pangeh nekaneh useh Allah mepad kudeng lun baken ineh teh.

IBERANI 4:15

Ngaceku na luk idi Imam Rayeh kuan tau luk na méi' inan amung-amung laya' tau, iamo' luk pangeh nengalap tutun bang luk amung-amung mepad kudeng tau, idi teh Ieh na mesala'.