LUKAS 1:33 - BALA LUK DO'

³³ Ieh miak mangun ku raca' kuan inul Yakub macing ruked-ruked; idi ImetNeh ineh na miak mabud!”

LUKAS 1:33 Iomraidhean Croise

SEMUIL LUK KEDUEH 7:13

Idi ieh luk miak mudut aceh ruma' kuanKu. Idi Ui miak ngeletep inulneh ngimet macing ruked-ruked.

SEMUIL LUK KEDUEH 7:16

Iamo' tetek ruma'mu meruked, idi imetmu macing ruked-ruked teh.’ ”

NANI UBUR 45:6

Kerusi luk biré Allah namu meruked peh! Iko ngimet anak itinmu dengan mesiri;

NANI UBUR 89:4

‘Ratnan inulmu megéi' inan raca'; idi Ui miak matar imetmu macing ruked-ruked.’ ”

YESAYA 16:5

Idi seburur rat arang inul Daud miak mangun ku raca', idi Ieh miak ngimet pupu dengan mesiri idi mawa. Ieh mesaget nganau' luk matu, idi Ieh miak ngacing luk mesiri.)

YESAYA 9:7

Lalud luk Neneh iuk-iuk temubu' idi imetNeh megéi' do' udeng. Ieh miak ngelibal imet Raca' Daud. Luk matu idi mesiri mangun ku lawa laludNeh, rat kareb ini macing kekipedneh. Tuhan luk Melalud miak ngeletep amung ineh.

YEREMIA 23:5

Kebala Tuhan, “Kali' rungen muci Ui miak mili' aceh inul Daud luk matu mangun ku raca'. Raca' ineh mileh ngimet idi miak nganau' luk mesiri idi luk matu aput-aput tana'.

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

DANIEL 4:34

“Idi abud tudu' lak ineh, Ui ini Nebukadnesar netengook nier déi' langit, idi petacu terawéku nisu'. Idi ui nengubur Allah luk Meluun Rayeh idi nengubur Neneh idi nengerayeh Neneh luk mulun macing ruked-ruked. “Ieh miak ngimet macing ruked-ruked.

DANIEL 6:26

Ui ngecuk amung-amung lemulun luk bang aput imetku matot idi ngerayeh Allah Daniel. “Ieh ineh Allah luk mulun, idi luk ngimet macing ruked-ruked. ImetNeh na miak uen ngusag idi laludNeh na tu-tu miak uen ngagka'.

DANIEL 7:18

Idi pupu Allah luk Meluun Rayeh miak ngalap lalud raca' macing ruked-ruked.”

DANIEL 7:27

Lalud idi rayeh ratnan amung-amung imet luk bang tana' ini miak barén kuan pupu Allah luk Meluun Rayeh. Laluddeh luk ratnan raca' na kekipedneh idi amung lun luk ngimet bang tana' ini miak ngakem kuandeh idi maya' baladeh.”

OBADIA 1:21

Lun Israil miak amé' luun Pegkung Sion pad matar neneh; ineh miak ngimet Pegkung Edom. Idi Tuhan miak mangun ku raca'.”

MIKA 4:7

Ideh mekio' idi mado ratnan bawangdeh, iamo' Tuhan pian ngeperuan nedeh sekua' baruh teh, pad ideh mangun ku aceh pupu luk rayeh.”

MATIUS 1:1

Idi ini surat luk mada' ratnan inul Yésus Keristus, anak Daud, luk inul Ibrahim.

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

LUKAS 1:34

Idi kebala Mariam nan melaikat ineh, “Kudeng apehké amung ini miak mangun, ngaceku ui nateh nekali' deléi'?”

SURAT LUK BIRE PAULUS KUAN LUN RUM 9:6

Iamo' na ui mala jani' Allah na icing. Ngaceku baken amung-amung inul Israil ineh mangun ku pupu luk pinili' Allah.

GALATIA 3:29

Kudeng muyuh mangun ku pupu Keristus, kali' rungen muyuh inul Ibrahim luk ngalap babpat petulu dengan pejani' Allah ineh.

GALATIA 6:16

Do' awang idi éi' temuruh luun amung-amung lemulun luk maya' ukum ini, idi luun pupu Allah ineh.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

IBERANI 1:8

Iamo' ratnan AnakNeh Allah nepebala, “KerusiMu O Allah, inan ruked-ruked, idi rukud luk matu, ieh ineh rukud ImetMu.

BALA LUK LINIO 11:15

Idi melaikat luk ketudu' ineh nengiup serupitneh, idi inan tuda'-tuda' arod déi' surga luk pebala, “Imet tana' ini mangun ku Imet Tuhan tau, idi Imet KeristusNeh, idi Ieh miak ngimet macing ruked-ruked peh.”