LUKAS 1:32 - BALA LUK DO'

³² Ieh miak mangun rayeh, idi Ieh miak belén Anak Allah luk Meluun Dita'. Idi Allah Tuhan tau miak maré kuanNeh imet tepunNeh Daud,

LUKAS 1:32 Iomraidhean Croise

SEMUIL LUK KEDUEH 7:16

Iamo' tetek ruma'mu meruked, idi imetmu macing ruked-ruked teh.’ ”

NANI UBUR 132:11

Iko nenganau' aceh bulung kuan Daud, idi na sikal ngelubed neneh: “Ui nganau' sebuleng anakmu ku raca', idi Ieh miak ngimet ku libalmu.

NANI UBUR 132:12

Kudeng anak-anakmu lutep maya' jani'Ku. idi maya' ukum luk barénKu nedeh, idi anakdeh pana' miak mangun ku raca' macing ruked-ruked.”

YESAYA 16:5

Idi seburur rat arang inul Daud miak mangun ku raca', idi Ieh miak ngimet pupu dengan mesiri idi mawa. Ieh mesaget nganau' luk matu, idi Ieh miak ngacing luk mesiri.)

YEREMIA 17:25

Idi raca'-raca' idi penguludeh miak semuet maya' tanga' Yerusalim dengan amung lalud raca', mepad kudeng Raca' Daud. Ideh miak nalan maya' keréta idi kuda dengan lun Yahuda idi lun Yerusalim pana', pad bawang Yerusalim megéi' inan mula' lemulun.

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

MATIUS 1:1

Idi ini surat luk mada' ratnan inul Yésus Keristus, anak Daud, luk inul Ibrahim.

MATIUS 12:42

Idi Raca' Decur rat tana' pa kabing busat aco sikal tumui kareb Aco Ngukum peranga' dengan inul ini, idi ieh miak ngesala' inul ini; ngaceku ieh nacing rat iring tana' sikal ninger ratnan ileh Selimun; idi inan tungé' Seburur Lemulun luk meluun rayeh ratnan Selimun!

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

MATIUS 3:11

Ui ngerereb nemuyuh bang abpa', mangun ku tanu' muyuh pangeh nuren, iamo' Ieh luk macing muci rat negku ngerereb nemuyuh ku Roh Meligan idi apui. Ieh meluun lalud ratnan ui, idi ngiding kasutNeh pana' ui na mayu.

MARKUS 14:61

Iamo' Yésus pirud, idi na Ieh nengor sebila' bala pana'. Idi sekua' teh Imam Rayeh ineh nengitun Neneh, “Matuké Iko Keristus, Anak Allah luk buren ineh?”

MARKUS 5:7

idi nengitang, keburi'neh, “Anunké luk pianMu negku, O Yésus Anak Allah luk Meluun Dita'? Ui mutuh Namu bang ngadan Allah, aleg Iko ngedereh negku!” (

LUKAS 1:15

ngaceku ieh miak mangun rayeh pa kiung Tuhan. Idi na ieh miak ngirup abpa' anggur idi luk rupen luk dat, idi ieh miak mepanu' ku Roh Meligan rat bang batek tinanneh.

LUKAS 1:35

Idi kebala melaikat ineh, “Roh Meligan miak temurun luunmu, idi lalud Allah miak nucung namu. Ngaceku ineh anak luk meligan ineh miak tetanen Anak Allah.

LUKAS 1:76

“Iko ini, O anakku miak tetanen seburur nabi Allah luk Meluun Dita'. Iko miak nalan pa atun Allah pad nganau' temina' dalanNeh,

LUKAS 3:16

Idi kebala Yahya nedeh, “Ui ini ngerereb nemuyuh ku abpa'; iamo' inan teh Seburur Lemulun luk macing muci, ieh ineh luk meluun lalud rat negku; idi neka abet kasutNeh pana' ui na mayu. Idi Ieh sikal ngerereb nemuyuh ku Roh Meligan idi apui

LUKAS 6:35

Na! Do' muyuh mawa inan bunu' muyuh idi nganau' luk do' kuandeh, idi maré luk kebiten dengan na merapet miak ngalap lemubed. Idi muyuh miak ngalap tabpar luk rayeh, pad muyuh mangun ku anak-anak Allah luk Meluun Dita'. Ngaceku Ieh mawa kuan lemulun na maré ubur idi luk dat pana'.

YAHYA 12:34

Kebala lun mula' nedeh, “Surat Ukum kai mada' ratnan Keristus ineh mulun ruked-ruked. Kudeng apehké Iko pebala, idi na miak na Anak-Lemulun ineh uen ngikit? Idéké Anak-Lemulun ineh?”

YAHYA 6:69

Kai ini pangeh manu idi kali', idi Iko ineh Luk Meluun Ligan luk macing ratnan Allah.”

KEKAMEN RASUL-RASUL 16:17

Ieh nemaya' puet Paulus idi kai teh, idi nengitang, keburi'neh, “Lemulun ini demulun Allah luk Meluun Dita' luk mada' dalan ulun kuan muyuh.”

KEKAMEN RASUL-RASUL 2:30

Ieh ineh aceh nabi, idi pangeh nekali' pejani' Allah neneh: Allah nepebulung ratnan Ieh sikal nganau' aceh inul Daud mangun ku raca', mepad kudeng Daud,

KEKAMEN RASUL-RASUL 2:36

“Ngaceku ineh do' amung-amung lun Israil kali' dengan megala' ratnan Allah pangeh nenganau' Yésus luk sinalib muyuh ineh mangun ku Tuhan idi Keristus.”

KEKAMEN RASUL-RASUL 7:48

“Iamo' Allah luk Meluun Dita' ineh na tudo bang ruma luk pinudut lemulun, maya' kudeng luk bida' nabi,

SURAT LUK BIRE PAULUS KUAN LUN RUM 1:4

iamo' maya inul Roh luk ngeligan pangeh ginala' dengan lalud rayeh ratnan Ieh Anak Allah, ngaceku tuiNeh ratnan até.

BALA LUK LINIO 3:7

“Kuan melaikat sidang luk déi' Piladelpia, do' ngayud kudeng ini: “Ini bala rat Neneh luk meligan idi luk matu, luk ngimet taka Daud, luk ngukab, idi na seburur pana' miak ngitek, luk ngitek, idi seburur pana' na miak ngukab.