LUKAS 1:20 - BALA LUK DO'

²⁰ Iamo' iko na manu ku balaku luk miak uen ngacing bang kareb luk petulu. Ngaceku iko na manu, iko mebegkeh idi na miak peburi' pad macing aco jani'ku mangun.”

LUKAS 1:20 Iomraidhean Croise

RACA'-RACA' LUK KEDUEH 7:19

idi lun tareh raca' ineh nengor balaneh, kebalaneh, “Kudeng Tuhan nganau' bubpu' langit, idi teh na miak mangun kudeng balamu ini.” Idi kebala Elisa neneh, “Iko miak nier ku matehmu sebuleng, iamo' na iko miak kuman ratnan ineh.”

RACA'-RACA' LUK KEDUEH 7:2

Iamo' kebala lun tareh luk megéi' maya' raca' ni Elisa, “Kudeng Tuhan nganau' bubpu' langit pana', luk kudeng ineh na miak mangun.” Idi kebala Elisa, “Iko miak nier ku matehmu sebuleng. Iamo' na iko miak kuman ratnan ineh.”

PURA' 4:11

Idi kebala Tuhan neneh, “Idéké luk nenganau' tang lemulun? Idéké luk nenganau' lun mebegkeh idi mebengel, nganau' lemulun nier idi mebuser? Ieh ineh Ui ini Tuhan.

YESAYA 7:9

Israil na meluun tueh ratnan bawang Samaria. Idi Samaria na meluun tueh ratnan Raca' Peka. “Kudeng anumu na mepicet, iko na tuped meraben.”

YEHISKIEL 24:27

Kareb aco sineh teh iko miak pebala teh idi pegayam neneh. Kudeng ineh teh iko mangun ku tanu' kuan lun mula', pad ideh kali' Ui ini Tuhan.”

YEHISKIEL 3:26

Ui miak ngaté urat dila'mu, pad iko na miak mada' lemulun ini luk sikal metueh.

DANIEL 10:15

Kareb Ieh nepebala, idi ui nenier i tana' idi na nepebala.

IAP 20:12

Kebala Tuhan ni Musa idi Arun, “Medueh na miak nguit lun mula' ini semuet bang bawang luk pangeh biréKu nedeh, ngaceku medueh na manu Negku idi na nengerayeh liganKu pa kiung lun Israil.”

MARKUS 16:14

Muci ratnan ineh Yésus nesilagan kuan pulu' aceh anak sekola'Neh, kareb uneddeh kuman, idi Ieh nengayud nedeh ngaceku ideh na manu idi metueh niat, id teh ngaceku ideh na manu ku bala lemulun luk pangeh nenier Neneh muci ratnan Ieh tumui.

MARKUS 9:19

Kebala Yésus nedeh, “O inul luk na manu! Tuda' ioké Ui tudo dengan muyuh? Tuda' ioké Ui mekadang niat kuan muyuh? Do' nguit neneh amé' Negku.”

LUKAS 1:19

Idi kebala melaikat neneh, “Ui ini Gabriel luk tuped pa kiung Allah. Ui pangeh icuk pebala namu idi ngacing bala luk do' ini.

LUKAS 1:21

Idi lun mula' ineh nganét-nganét ni Sekaria. Ideh pelaba awa ngaceku ieh mio bang Ruma' Allah.

LUKAS 1:22

Kareb ieh neremuat, idi na ieh miak pebala kuan lemulun ineh. Idi ideh nekali' Sekaria ineh pangeh nenier aceh luk sinierneh bang Ruma' Allah. Idi ieh nemada' nedeh dengan ticu'neh ngaceku ieh mebegkeh peh.

LUKAS 1:45

Samal kuanmu luk pangeh nemanu ineh, ngaceku anun-anun luk bila namu ratnan Tuhan miak mangun peh.”

LUKAS 1:64

Idi petacu Sekaria miak peburi', idi ieh nengimun ngubur Allah.

SURAT LUK BIRE PAULUS KUAN LUN RUM 3:3

Mekudeh ieh kudeng sebuang lemulun na manu? Miakké ineh ngisu' niat Allah luk lutep maya' jani'Neh?

2 TIMOTIUS 2:13

Kudeng tau na lutep, ieh megéi' lutep, ngaceku Ieh na miak ngalum bururNeh.”

TITUS 1:2

luk tipin luun rapet tau ku ulun luk meruked, luk pangeh pijani' Allah luk na miak mebalih, atun ratnan amung-amung kareb luk meruked.

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

BALA LUK LINIO 3:19

Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren.