LUKAS 1:17 - BALA LUK DO'

¹⁷ Ieh miak nalan pa kiung Tuhan dengan roh idi lalud Elia. Ieh miak nguit taman-taman idi anak-anakdeh pedo', idi lun luk ngelaba bala uenneh ngelubed kuan terawé lemulun luk matu, pad ieh nganau' temina' aceh pupu kuan Tuhan.”

LUKAS 1:17 Iomraidhean Croise

RACA'-RACA' LUK PUN-PUN 17:1

Idi kebala Nabi Elia, lun Tisbi rat tana' Giliad ni Akab, “Ui ini demulun Tuhan. Idi ui pebulung ku ngadan Tuhan Allah lun Israil luk mulun: Na miak mudan, idi na ipup tuda'-tuda' lak, kudeng ui na pebala'.”

RACA'-RACA' LUK PUN-PUN 18:18

Idi kebala Elia neneh, “Na ui ngesusa' nelun Israil. Iamo' iko idi uang tetek ruma' i tamam. Ngaceku muyuh pangeh nekelupan bala Tuhan, idi nemaya' akang Baal.

RACA'-RACA' LUK PUN-PUN 21:20

Idi kebala Akab ni Elia, “Pangehké iko kali' negku, O bunu'ku!” Idi kebala Elia, “Matu ui kali' namu. Iamo' iko pangeh nemasui bururmu idi pangeh nenganau' luk dat pa kiung Tuhan.

RACA'-RACA' LUK KEDUEH 1:16

Idi kebalaneh kuan raca', “Kudeng ini bala Tuhan, ‘Anun punmu pangeh nengecuk nelun amé' ngitun Baalsebub akang lun Ekron ineh, naké Allah arang lun Israil luk miak tuninmu? Na iko miak do' ratnan étmu. Iamo' kali' rungen iko maté.’ ”

INUL LUK PUN-PUN 29:18

O Tuhan Allah tepun kai Ibrahim, Isak, idi Yakub, do' ngimet ini macing ruked-ruked bang terawé niat amung pupuMu, idi ngeletep niatdeh Namu.

INUL LUK KEDUEH 29:36

Hesekia idi amung lun mula' pana' mawang niat, ngaceku Allah nengedengan nedeh, pad kekamendeh ineh mangun dengan mesaget.

NANI UBUR 10:17

O Tuhan, Iko ninger sembayang lemulun luk mebeneh niat; Iko maré kuu' nedeh.

NANI UBUR 111:10

Dalan ngalap ileh, ieh ineh ngerayeh Tuhan; Ieh maré ileh luk do' kuan amung lemulun luk maya' ukumNeh. Do' Ieh buren ruked-ruked!

NANI UBUR 78:8

Pad ideh na kudeng tepundeh, idi kudeng lemulun luk ngilang idi luk na maya', idi rapetdeh inan Allah na meraben, idi na lutep maya' Neneh.

YESAYA 29:24

Lun luk mebacé miak sibada' idi lemulun luk megéi' ngedureng mawang niat badén.”

AMOS 4:12

“Ngaceku ineh, O lun Israil, Ui ngacing ukum ini kuan muyuh. Idi ngaceku ineh, do' muyuh temina' kumin Allah!”

MATIUS 11:14

Idi kudeng muyuh sikal ninger baladeh, Yahya ineh Elia luk macing maya' bala nabi.

MATIUS 14:4

Ngaceku Yahya megéi' mada' ni Herodés, “Bibpeng kuanmu na miak ngalap decur ineh ku awanmu.”

MATIUS 3:3

Ngaceku ini ieh luk pangeh bila Nabi Yesaya, keburi'neh, “Seburur lemulun ngitang déi' su luk ali-ali, kebalaneh, ‘Nganau' temina' dalan Tuhan, idi ngesiri lisangen-lisangenNeh.’ ”

MATIUS 3:4

Idi ayung Yahya ineh buluh pung unta, idi abet awa'neh kubil pung, idi akanneh, ieh ineh kato idi duru' tebikan.

LUKAS 1:16

Idi ieh miak nguli' mula' lun pupu Israil amé' inan Allah Tuhandeh ineh.

LUKAS 1:76

“Iko ini, O anakku miak tetanen seburur nabi Allah luk Meluun Dita'. Iko miak nalan pa atun Allah pad nganau' temina' dalanNeh,

YAHYA 1:13

Na ideh mangun ku anak Allah maya' lawé lemulun uen nenganak, iamo' Allah sebuleng mangun ku Tamandeh.

YAHYA 1:34

Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

YAHYA 3:28

Muyuh sebuleng mangun ku lun nekali' negku: Na ui pebala idi ui ini Keristus ineh. Iamo' ui icuk Allah atun rat Neneh.

KEKAMEN RASUL-RASUL 10:33

Idi ui petacu nengecuk lemulun amé' nawar namu, idi mawang niat iko pangeh nacing. Ngaceku ineh nekini amung kai pangeh netebubpun tungé' pa kiung Allah, pad ninger amung bala luk bila Tuhan kuanmu.”

SURAT LUK BIRE PAULUS KUAN LUN RUM 9:23

Ieh pian ngegala' rayehNeh luk mela luk inutang kuan tau luk inanNeh méi', luk tinina' pad ngalap rayehNeh ineh.

KOLOSE 1:12

Idi do' muyuh maré ubur kuan Taman tau luk nenganau' nemuyuh mayu ngalap babpat ratnan luk tinina' Allah kuan lun manu bang imet acang ineh.

2 TIMOTIUS 2:21

Kudeng idé-idé ngeligan bururneh ratnan luk kudeng ineh, ieh miak mangun ku aceh binaweh luk buren, ngaceku ieh pangeh linigan, idi miak uen Tuhanneh makai, temina' kuan amung-amung kekamen luk do'.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

1 YAHYA 2:28

Nekini, O anak-anakku, do' muyuh lutep bang Keristus, pad tau mepanu' ku kuu' kareb Ieh megala' teh, idi na sigapung ku igu' kareb Aco acingNeh.

BALA LUK LINIO 20:4

Idi ui nenier tuda'-tuda' kerusi, idi inan lemulun luk tudo luundeh, idi kuandeh ineh pangeh biré lalud ngukum. Idi teh ui nenier niat lemulun luk kileb uluhdeh ngaceku maré kali' ratnan Yésus idi bala Allah. Ideh na nesembayang inan pung ineh idi akangneh, idi ideh na inan etu nan madu'deh idi bang paladdeh. Idi ideh ineh mo' luk muli' mulun idi ngimet pad-pad dengan Keristus meribu lak kinioneh.

SEMUIL LUK PUN-PUN 7:5

Idi kebala Semuil, “Mungen muyuh amung lun Israil déi' Mispa. Ui sikal sembayang kuan muyuh inan Tuhan.”