LUKAS 1:15 - BALA LUK DO'

¹⁵ ngaceku ieh miak mangun rayeh pa kiung Tuhan. Idi na ieh miak ngirup abpa' anggur idi luk rupen luk dat, idi ieh miak mepanu' ku Roh Meligan rat bang batek tinanneh.

LUKAS 1:15 Iomraidhean Croise

PUDUT 12:2

Idi Ui sikal nganau' namu mangun ku aceh pupu luk mula', idi Ui ngeperuan namu idi nganau' ngadanmu mebala, pad ineh mangun ku peruan kuan lun baken.

PUDUT 48:19

Iamo' tamanneh na sikal, kebalaneh, “Ui kali' idi Manasé pana' miak mangun ku aceh pupu luk mebala. Iamo' kinanakneh luk isuut meluun mebala rat neneh, idi inulneh miak mangun ku tuda'-tuda' pupu luk mebala.”

INUL LUK PUN-PUN 17:8

Idi Ui idi denganmu iapeh-iapeh su luk ulekmu. Idi Ui pangeh nengaté amung bunu'mu. Idi Ui miak ngerayeh ngadanmu mepad kudeng ngadan lun luk meluun rayeh luk luun tana'.

INUL LUK PUN-PUN 29:12

Idi amung do' idi ubur rat Namu mo' acingneh. Idi Iko teh ngimet luk amung-amung. Idi bang paladMu inan lalud idi tueh kuan amung-amung.

NANI UBUR 22:9

Iko luk nengedengan negku kareb ui tinganak, idi nengasa' negku kareb ui anak isuut.

YEREMIA 1:5

“Kareb nateh Ui nemudut namu ku lemulun, Ui nemili' namu. Idi kareb nateh iko tinganak Ui nengetu namu; Ui nemili' namu mangun ku nabi kuan amung-amung pupu.”

YEREMIA 35:6

Iamo' kebaladeh, “Kai na miak ngirup abpa' anggur ngaceku Yonadab, anak tepun kai Rekabi, nemebpeng nekai idi inul kai na miak ngirup abpa' anggur.

UKUM 10:9

“Aleg iko idi anak-anakmu ngirup abpa' anggur idi luk megalih kareb muyuh semuet bang Lepo su luk inan papu' Tuhan, pad muyuh na maté. Idi ini aceh dalan luk meruked macing ku anak inul.

SEKARIA 9:15

Tuhan luk Melalud miak matar pupuNeh, pad ideh miak ngaté bunu'deh. Bang bunu' ideh miak ngitang mepad kudeng lun mabuk; ideh miak ngeruat dara' bunu'deh, pad dara' ineh manud mepad kudeng dara' baré, luk inutang luun bubpun rat bang bigan.

LUKAS 1:14

Idi miak mangun kuanmu awang niat idi geriguen teh. Idi mula' lemulun miak mawang niat ngaceku ratnan acingneh,

LUKAS 7:28

Ui pebala nemuyuh, idi rat arang amung-amung lemulun luk tinganak ratnan decur, na luk idi seburur pana' luk meluun rayeh ratnan Yahya, iamo' luk isuut tu bang Imet Allah, ieh ineh luk meluun rayeh rat neneh.”

LUKAS 7:33

Yahya luk Ngerereb nacing dengan na kuman ruti idi ngirup abpa' anggur, idi kebala muyuh, ‘Ieh sinuet ada'!’

YAHYA 5:35

Yahya ineh mepad kudeng aceh lapung luk mulun idi merasat; iamo' muyuh ini sikal mawang niat segageh mo' kinioneh bang acangneh ineh.

KEKAMEN RASUL-RASUL 2:4

Idi amung-amungdeh pana' mepanu' ku Roh Meligan, pad ideh nengimun peburi' dengan raput-raput buri' kareb Roh ineh nemaré nedeh peburi'.

GALATIA 1:15

Iamo' Allah dengan katuNeh nemili' negku rat bang batek tinanku, idi nenawar negku pad ui ngakem kuanNeh. Idi kareb ieh pian

EPESUS 5:18

Aleg muyuh mabuk ku arak luk ngusag ulun muyuh, iamo' do' muyuh mepanu' ku Roh.

YUSAK 3:7

Idi kebala Tuhan ni Yusak, “Aco sini Ui pian ngimun ngerayeh namu pa kiung amung lun Israil, pelé ideh kali', mepad kudeng Ui nengedengan ni Musa atun, kudeng ineh teh Ui ngedengan namu.

YUSAK 4:14

Idi kareb aco sineh teh Tuhan nengerayeh ni Yusak pa kiung amung lun Israil. Idi ideh matot neneh, mepad kudeng ideh matot ni Musa atun.