LUKAS 1:13 - BALA LUK DO'

¹³ Iamo' kebala melaikat neneh, “Aleg matot, O Sekaria, Allah pangeh neninger putuhmu, idi awanmu Elisabet ineh miak nenganak aceh anak deléi kuanmu. Idi do' iko nganau' ngadanneh Yahya.

LUKAS 1:13 Iomraidhean Croise

PUDUT 17:10

Iko dengan inulmu luk muci rat namu, na miak na maya' jani'Ku ratnan amung-amung deléi arang muyuh ruen nunat.

PUDUT 17:19

Iamo' kebala Allah, “Na! Awanmu Sara ineh miak nenganak sebuleng anak deléi kuanmu. Idi do' iko neten ngadanneh Isak. Idi Ui miak maya' pejani'Ku arangKu denganneh, idi dengan inulneh, ngaceku ieh ineh aceh pejani' luk meruked.

PUDUT 18:14

Inanké luk pelaba ikat kuan Tuhan? Idi bang kareb luk petulu, pangeh iwa' bulan Ui miak lemubed matun namu, idi Sara miak nenganak aceh anak deléi'.”

PUDUT 25:21

Idi Isak nesembayang mutuh ratnan Tuhan kuan awanneh, ngaceku ieh na anak. Idi Tuhan nengua' sembayangneh, idi Ribeka pana' mali'.

NANI UBUR 113:9

Ieh ngedita' decur luk na anak bang ruma'neh; idi maré anak kuanneh, pad ieh mawang niat. Ngubur Tuhan!

NANI UBUR 118:21

Ui ngubur Namu, O Tuhan, ngaceku Iko neninger negku, idi nemaré negku metueh!

YESAYA 8:3

Muci ui pamung dengan awanku luk nabi teh. Ieh mali' idi nenganak aceh anak deléi. Kebala Tuhan negku, “Nganau' ngadanneh, “Miket Ngaro, Saget Ngalap.’

DANIEL 10:12

Idi kebalaNeh, “O Daniel, aleg matot. Allah neninger sembayangmu bang aco luk pun-pun kareb iko nengebeneh bururmu, pad iko miak kali' ilungneh. Idi Ui luk iné' ngua' sembayangmu.

HOSIA 1:4

Kebala Tuhan ni Hosia, “Do' nganau' ngadanneh, ‘Yesril' ngaceku na mio teh ui miak ngukum raca' Israil ngaceku tepunneh Yihu nengaté tuda'-tuda' lemulun déi' Yesril. Idi Ui miak ngagka' imet inul Yihu déi' Israil.

HOSIA 1:6

Sekua' teh Gomer mali' idi ieh nenganak aceh anak decur. Idi kebala Tuhan ni Hosia, “Do' nganau' ngadanneh, ‘Na Inan Méi',’ ngaceku Ui na miak méi' idi maré do' nelun Israil teh.

MATIUS 1:21

Idi Mariam miak nenganak aceh anak deléi; idi do' iko nganau' ngadanNeh Yésus, ngaceku Ieh luk miak ngulun pupuNeh ratnan sala'deh.”

MATIUS 14:27

Iamo' petacu Yésus nepebala nedeh, kebalaNeh, “Aleg merapang! Ui ini, aleg matot.”

MATIUS 28:5

Idi kebala melaikat nan decur-decur ineh, “Aleg muyuh matot, ngaceku ui kali' muyuh nakap Yésus luk pangeh sinalib ineh.

MARKUS 16:6

Idi keburi' anak adi' ineh nedeh, “Aleg matot! Muyuh nakap Yésus lun Nasarét luk pangeh sinalib ineh. Na Ieh idi tungé' — Ieh pangeh netumui. Siruh, su luk inandeh nengerareng Neneh.

LUKAS 1:14

Idi miak mangun kuanmu awang niat idi geriguen teh. Idi mula' lemulun miak mawang niat ngaceku ratnan acingneh,

LUKAS 1:30

Idi kebala melaikat neneh, “O Mariam, aleg matot! Iko pangeh nengalap katu ratnan Allah.

LUKAS 2:21

Pangeh ualuh aco kareb anak ineh miak uen nunat, idi ideh nemaré ngadan Yésus Neneh, maya' kudeng luk bila melaikat, kareb nateh Ieh nangun bang nakan.

KEKAMEN RASUL-RASUL 10:31

idi kebalaneh, ‘O Kornilius, sembayangmu pangeh ilap idi éi'mu pana' tirawé Allah.

LUN LUK NGUYUT 6:23

Iamo' kebala Tuhan neneh, “Aleg matot. Na iko mekudeh. Na iko matée.”

SEMUIL LUK PUN-PUN 2:21

Idi Tuhan nengeperuan ni Hanna, pad ieh nenganak teluh deléi idi dueh decur teh. Idi Semuil anak ineh temubu' amé' rayeh bang kekamen Tuhan.