LUKAS 1:12 - BALA LUK DO'

¹² Idi Sekaria pana' negagap nenier neneh, idi ieh pelaba tot.

LUKAS 1:12 Iomraidhean Croise

DANIEL 10:7

Ui sebuleng luk nekali' luk sinier ineh. Lemulun luk idi denganku na nenier anun-anun, iamo' ideh matot, idi upun amé' sigapung.

MARKUS 16:5

Idi ideh nesemuet bang tanem ineh, idi ideh nenier seburur anak adi' luk tudo pa tinueh, luk nengayung ku kuyu' luk mebuda'. Idi ideh pelaba tot.

LUKAS 1:29

Mariam negagap ku bala ineh; idi ieh nengerawé ratnan ilungneh.

KEKAMEN RASUL-RASUL 10:4

Idi ieh nenier melaikat ineh dengan matot, kebalaneh, “Anun idi, O Tuhan?” Idi kebala melaikat neneh, “Amung sembayangmu idi éi'mu pangeh kali' Allah mangun ku aceh terawé pa kiungNeh.

BALA LUK LINIO 1:17

Kareb ui nenier Neneh, ui neluka' iring kukudNeh mepad kudeng lemulun luk naté. Idi Ieh nengerareng ticu'Neh pa tinueh luunku idi nepebala, “Aleg matot, Ui ini Luk Pun-pun idi Luk Kekiped.

LUN LUK NGUYUT 13:22

Idi kebala Manua inan awanneh, “Kali' rungen kiteh matée ngaceku kiteh pangeh nenier Allah!”

LUN LUK NGUYUT 6:22

Pangeh ineh idi Gidion nekali' ineh Melaikat Tuhan luk pangeh sinierneh. Idi kebalaneh, “Adui, O Tuhan Allah! Ngaceku ui pangeh nenier Melaikat Tuhan.”