KOLOSE 3:3 - BALA LUK DO'

³ Ngaceku muyuh pangeh naté, idi ulun muyuh inapung dengan Keristus bang Allah.

KOLOSE 3:3 Iomraidhean Croise

MATIUS 11:25

Kareb idi teh kebala Yésus, “O Ama', Tuhan langit idi tana', Ui ngubur Namu ngaceku Iko nengalum amung-amung ini ratnan lemulun luk mileh idi luk do' kali', idi nengegala' ineh kuan anak-anak.

YAHYA 14:19

Segageh teh uang tana' ini na miak nier Negku peh, iamo' muyuh ini miak nier Negku, ngaceku Ui ini mulun, idi muyuh pana' miak mulun teh.

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 5:21

Mepad kudeng Taman nui amung-amung lun naté idi ngulun nedeh, kudeng ineh teh Anak ineh ngulun idé-idé luk pianNeh.

YAHYA 5:24

“Matu, Ui pebala nemuyuh, lemulun luk ninger balaKu idi manu inan Luk nengecuk Negku, ieh ineh ngalap ulun luk meruked, idi na semuet bang ukum, iamo' ieh pangeh pinuit ratnan até amé' inan ulun.

YAHYA 5:40

Iamo' na muyuh sikal macing Negku pad muyuh miak mulun.

SURAT LUK BIRE PAULUS KUAN LUN RUM 5:10

Atun tau mangun ku bunu' Allah, idi tau nengalap pedo' denganNeh ngaceku até AnakNeh. Ngaceku tau mangun ku rurum Allah, na miak na tau uen ngulun ngaceku ulun Keristus.

SURAT LUK BIRE PAULUS KUAN LUN RUM 5:21

Mepad kudeng sala' mangun ku raca' bang até, kudeng ineh teh katu Allah miak mangun ku raca' ratnan luk matu macing inan ulun luk meruked, ngaceku Yésus Keristus Tuhan tau.

SURAT LUK BIRE PAULUS KUAN LUN RUM 6:11

Kudeng ineh teh do' muyuh ngerawé burur muyuh maté mepuit ratnan sala', iamo' mulun kuan Allah dengan Keristus Yésus.

SURAT LUK BIRE PAULUS KUAN LUN RUM 6:2

Na tu-tu! Idi tau ini pangeh naté nepuit ratnan sala', kudeng apehké tau miak mulun bang neneh?

SURAT LUK BIRE PAULUS KUAN LUN RUM 8:2

Ngaceku ukum Roh luk maré ulun bang Keristus Yésus pangeh nemuit negku ratnan ukum sala' idi até ineh teh.

1 KORINTUS 15:45

Ngaceku pangeh inayud, “Idi lemulun luk pun-pun, ieh ineh Adam, mangun ku seburur luk mulun.” Idi Adam luk kekiped ineh mangun ku Roh luk ngulun.

1 KORINTUS 2:14

Iamo' lemulun luk na inan Roh Allah na miak ngalap baré-baré luk ratnan Roh Allah ineh, ngaceku amung ineh mangun ku bacé kuanneh, idi na ieh miak ngiti ineh, kudeng na Roh Allah ngelio ineh.

2 KORINTUS 5:14

Ngaceku awa Keristus ineh ngegio niat kai, ngaceku ini luk tirawé kai, idi seburur pangeh naté ngaceku amung-amung lemulun, ini punneh amung-amungdeh pangeh naté.

2 KORINTUS 5:7

Kai mulun ngaceku anu, baken ngaceku luk siren.

GALATIA 2:20

Ui pangeh sinalib dengan Keristus. Idi ulunku ini baken ui teh, iamo' Keristus luk mulun bang negku. Ulunku luk nekini, ieh ineh ulun ratnan anu inan Anak Allah luk pangeh mawa negku idi luk nemaré bururNeh ngaceku ui.

EPESUS 3:9

idi ngegala' kuan amung lemulun kudeng apeh pian Allah luk inalum miak uen ngacing. Allah luk nemudut luk amung-amung pangeh nenapung ineh tuda'-tuda' io,

PILIPI 4:7

Idi awang ratnan Allah luk meluun rayeh ratnan amung-amung ileh lemulun miak matar niat muyuh idi terawé muyuh bang Yésus Keristus.

KOLOSE 1:5

Kareb Bala luk Do', ieh ineh bada' luk matu ineh nacing nemuyuh atun, muyuh neninger ratnan rapet luk barénneh. Anu idi awa muyuh tipin luun luk inan muyuh merapet ineh luk dinug kuan muyuh déi' surga.

KOLOSE 2:20

Muyuh pangeh naté pad-pad dengan Keristus nepuit ratnan bada' roh-roh tana' ini. Ngudehké muyuh ngebeneh burur muyuh kuan amung-amung ukum ada' ayu-ayuneh muyuh mulun bang tana' ini.

KOLOSE 2:3

Keristus ineh taka luk ngukab amung-amung ileh idi do' kali' Allah luk inalum mepad kudeng binaweh luk meraga.

KOLOSE 3:4

Ulun muyuh luk matu, ieh ineh Keristus. Idi kareb Ieh macing sekedueh kua', muyuh pana' miak melagan pad-pad denganNeh bang rayehNeh.

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.

1 PETRUS 3:4

Iamo' do' ayung muyuh mangun ku ayung luk bang niat, ieh ineh ayung luk na miak merapuk, ieh ineh niat luk mulai idi mebeneh, luk meraga pa kiung Allah.

1 PETRUS 4:2

Rat pad sini seruked ulun muyuh luk ketecan, aleg muyuh maya' lili lemulun, iamo' pian Allah.

1 YAHYA 3:2

O amung-amung luk inanku mawa, nekini tau ini anak-anak Allah, idi nateh tau kali' kudeng apeh luk mangun kuan tau muci. Iamo' tau kali' idi kareb Ieh pangeh megala', tau pana' mepad kudeng Ieh, ngaceku tau nier Neneh mepad kudeng Ieh idi.

BALA LUK LINIO 2:17

“Idé luk inan lalid, do' ieh ninger bala Roh luk kuan amung-amung sidang! “Kuan lemulun luk metueh Ui maré manna luk inapung ineh, idi Ui maré kuanneh aceh batu luk mebuda', idi luun batu ineh inayud aceh ngadan luk mebaruh luk na miak kali' seburur lemulun pana', iamo' lemulun luk ngalap ineh mo' luk kali'.