ESTER 8:9 - BALA LUK DO'

⁹ Ini mangun dueh ngepulu' teluh aco, bulan teluh, ieh ineh bulan Siban. Mordekai nenawar nelun luk ngayud kuan raca', idi teh ieh nengecuk nedeh ngayud surat kuan lun Yahudi, pengulu, lun luk ngimet, idi lun rayeh bang 127 babpat rat India macing Sudan. Surat-surat ini inayud bang buri' anid babpat ineh, idi kuan lun Yahudi bang buri'deh sebuleng.

ESTER 8:9 Iomraidhean Croise

RACA'-RACA' LUK KEDUEH 18:26

Idi kebala Eliakim, Sebna, idi Yua kuan lun rayeh Asur ineh, “Do' iko pebala nekai ini dengan bala Arami. Ngaceku kai kali' ilung bala ineh. Aleg iko pebala-pebala nekai dengan bala Iberani, pedingeren lun mula' luk luun libung ini.”

INUL LUK KEDUEH 15:10

Ideh nepamung déi' Yerusalim bang bulan luk keteluh, lak luk kepulu' limeh bang imet Asa.

ESTER 1:1

Idi Ahasuiras ineh raca'. Idi kerusi raca' Parsi ineh déi Susa. Ieh ngimet 127 bawang rat India macing Sudan.

ESTER 1:22

Ieh nemaré bala kuan amung babpat bang imetneh, bang buri' lun bang bawang ineh, idi ieh nengecuk amung deléideh mangun ku lun rayeh bang tetek ruma'deh, pad amung uang tetek ruma'deh maya' baladeh.

ESTER 10:1

Raca' Ahasuiras nengecuk nelun lod idi nelun luk pa dayeh aput imetneh ngakem kuanneh.

DANIEL 4:1

Raca' Nebukadnesar nemaré surat ini kuan lemulun bang anid-anid bawang, idi ratnan manid-manid pupu, idi buri' bang tana' ini: “Tabi'!

DANIEL 6:1

Idi Darius nemili' 120 pengulu luk miak ngimet aput-aput imetneh.

DANIEL 6:25

Idi Raca' Darius nengayud aceh surat kuan amung-amung lemulun ratnan anid-anid bawang, pupu, idi luk ratnan manid-manid buri' bang tana' ini. Kebalaneh: “Tabi'!