ESTER 8:16 - BALA LUK DO'

¹⁶ Idi lun Yahudi mawang niat idi meran niat ngaceku ideh kali' ideh uen ngetueh.

ESTER 8:16 Iomraidhean Croise

ESTER 4:16

“Amé' ngamung lun Yahudi luk déi' Susa, pad ideh mawa' na kuman idi ngerawé negku. Aleg kuman idi ngirup teluh aco idi teluh dacem kinioneh. Demulunku idi ui pana' miak nganau' kudeng ineh teh. Pangeh ineh ui miak amé' papu' raca', sagan tu pana' ngelaba ukum. Kudeng ui maté, ui maté.”

ESTER 9:17

Ieh ineh pulu' teluh aco bulan Adar. Kenebpa ieh ineh pulu' apat aco bulan ineh na ideh nengaté lemulun teh, iamo' ideh nenganau' irau dengan mawang niat.

NANI UBUR 112:4

Dacem pana' uen ngacang kuan lemulun luk do', ieh ineh kuan lemulun luk méi' idi luk mesiri.

NANI UBUR 118:27

Tuhan ineh Allah; Ieh pelaba do' nekai. Do' muyuh nalan pekarur libut bubpun; idi do' muyuh ngimet angat.

NANI UBUR 18:28

Tuhan nutud lapungku, pad dacemku buro.

NANI UBUR 30:12

Na ui miak pirud, ui miak menani ubur kuanMu. Tuhan, Iko Allahku, Ui miak maré ubur kuanMu ruked ulunku.

NANI UBUR 97:11

Acang ngacang lemulun luk matu, idi awang niat ngacang lemulun luk do'.

BALE' 11:10

Kareb lemulun luk matu ngalap peruan, bawang su inandeh pana' do' ria'. Kareb lemulun luk dat maté, lemulun ngitang ku awang niatdeh.

BALE' 28:12

Kareb lemulun luk do' ngimet, lun mula' mawang niat, iamo' kareb lemulun luk dat ngimet, lun mula' sigapung.

YESAYA 35:10

Ideh macing Yerusalim dengan mawang niat; ideh menani idi ngitang ku awang niatdeh. Ideh mawang niat macing ruked-ruked, idi ideh na kali' susa' idi dat niat.