ESTER 8:10 - BALA LUK DO'

¹⁰ Mordekai nengecuk ngayud surat ini dengan ngadan Ahasuiras, idi ngetu surat ineh ku etu raca'. Surat ineh tinated lun luk maya kuda rat ruma' raca'.

ESTER 8:10 Iomraidhean Croise

RACA'-RACA' LUK PUN-PUN 21:8

Idi Isabel nengayud tuda'-tuda' surat dengan ngadan Akab. Idi ieh nenganau' etu ticu' raca' luun ineh idi nemaré surat ineh kuan amung lun rayeh-rayeh bang bawang Yesril ineh.

RACA'-RACA' LUK PUN-PUN 4:28

Idi teh ikun idi uduh luk tekering luk kuan amung kuda idi kuda keréta, itendeh amé' su luk pian raca', maya' kinula' luk bida'neh.

INUL LUK KEDUEH 30:6

Idi amung lun duken ineh nenalan maya' ecuk raca' idi lun rayehneh aput bawang Yahuda idi Israil. Kebala surat teteng raca' ineh: “O amung muyuh lun Israil, do' muyuh lumi inan Tuhan Allah Ibrahim, Isak, idi Yakub, pad Ieh pana' miak lumi inan amung lun luk neketecan rat nemuyuh luk nepuit rat bang palad raca'-raca' Asur.

ESTER 8:8

Iamo' aceh ukum luk pangeh biré bang ngadan raca' idi luk itu ku etu raca' na miak uen ngena. Iamo' iko miak ngayud anun-anun luk pianmu kuan lun Yahudi. Ieh miak uen ngayud dengan ngadanku, idi ieh miak uen ngetu ku etu raca'.”

AYUB 9:25

Ulunku meluun awer ratnan lun luk peribatun, idi sebuleng aco pana' na ngacing peruan kuanku.

LUN LUK MADA' 8:4

Raca' inan lalud, idi lun baken na miak mebpeng neneh.

YESAYA 60:6

Tuda'-tuda' riudan unta macing rat Midian idi Epa. Ideh nguit amas idi umau luk do' buen rat Siba. Lemulun miak mada' bala luk do' ratnan luk ianu' Allah!

YESAYA 66:20

Ideh miak nated amung kinanak muyuh ratnan anid pupu mangun ku baré kuanKu. Ideh miak nated nedeh macing inan pegkungKu luk meligan déi' Yerusalim. Ideh miak maya' kuda, idi kuda luk seupa keladai, unta, keréta bunu' idi keréta binaweh, mepad kudeng lun Israil nguit baré akan macing inan Ruma' Allah bang su luk inan luk meligan.

YEREMIA 2:23

Ngudeh iko mala namu na nengelutak bururmu, idi na tupu nesembayang inan Baal? Ngerawé sala' luk pangeh inau'mu déi' luun raked. Iko mepad kudeng aceh unta tineh luk ucet nakap deléi,

YEREMIA 51:21

Idi dengan ineh teh Ui nengaté kuda idi lun luk maya' kuda teh. Ui nengusag keréta idi lun luk ngimet keréta ineh teh.

DANIEL 4:1

Raca' Nebukadnesar nemaré surat ini kuan lemulun bang anid-anid bawang, idi ratnan manid-manid pupu, idi buri' bang tana' ini: “Tabi'!

DANIEL 6:8

Do' raca' nén ukum ini, pad ieh miak bén idi na miak uen ngisu' mepad kudeng amung ukum lun Midi idi lun Parsi.”