ESTER 7:9 - BALA LUK DO'

⁹ Idi kebala sebururdeh, ieh ineh Harbona, “Haman pangeh nemudut aceh su luk inan ngekito ni Mordekai déi' ruma'neh, kidita'neh 12 depeh setangal! Idi Mordekai ineh luk nengulun raca'.” Idi kebala raca', “Ngekito Haman luun ineh!”

ESTER 7:9 Iomraidhean Croise

RACA'-RACA' LUK KEDUEH 9:32

Idi Yihu netengook nenier tabuk ineh, kebalaneh, “Idé pian maya' negku?” Idi inan dueh kian teluh burur lun ngasa' bang ruma' raca' nenier neneh.

ESTER 1:10

Kareb aco luk ketudu' bang irau ineh, raca' ineh ngirup dengan mawang niat. Idi ieh nenawar tudu' burur demulunneh luk pinani', ieh ineh Mehuman, Bista, Harbona, Bigta, Abagta, Setar, idi Karkas.

ESTER 5:14

Idi kebala awanneh idi amung lun rurumneh, “Do' iko ngecuk nelun nganau' aceh luk inan ngekito lemulun, kidita'neh 12 depeh setangal. Pekak nebpa iko miak mutuh raca' ngekito Mordekai luun ineh, pelé iko amé' ku irau ineh dengan mawang niat.” Idi Haman mawang niat ku bala ineh; idi ieh nemudut luk inan ngekito lemulun ineh.

ESTER 6:14

Laba' ideh pegayam, lun luk pinani' rat ruma' raca' nacing pian nated ni Haman amé' ku irau Ester.

ESTER 6:2

Babpat luk bica'deh, ieh ineh ratnan Mordekai luk pangeh nekali' aceh gayam Bigtana idi Teris, dueh burur lun luk pinani' luk matar takep raca'. Idi didueh sikal ngaté raca'.

ESTER 8:7

Idi kebala Raca' Ahasuiras inan Raca' Decur Ester idi Mordekai lun Yahudi ineh, “Ui pangeh nengekito Haman ngaceku datneh nelun Yahudi. Ui pangeh nemaré binaweh idi tana'neh kuan Ester.

ESTER 9:14

Idi raca' nengecuk nganau' luk kudeng ineh, idi ukumneh bida' déi' Susa. Idi pulu' butung anak Haman tikito siren amung lemulun.

ESTER 9:25

Iamo' Ester iné' matun raca', idi raca' nemaré ukum luk inayud, pad Haman sebuleng nekaneh ukum luk tinina'neh kuan lun Yahudi. Ieh idi anakneh tikito luun su luk inan ngekito lemulun.

NANI UBUR 141:10

Nima' lemulun luk dat mekaneh abpungdeh sebuleng, pad ui lemaba ineh dengan do'.

NANI UBUR 35:8

Iamo' até miak ngakem nedeh kareb nateh ideh kali'; ideh miak kamen bang abpung luk inau'deh, idi mebpeng bang lubang luk inukatdeh.

NANI UBUR 73:19

Idi ideh petacu maté; idi atédeh pelaba dat!

DANIEL 6:24

Idi raca' nengecuk nala' nelun luk nengadu ni Daniel bang lubang balang, perapu dengan awandeh idi anakdeh. Kareb nateh ideh nacing uned lubang ineh, idi balang ineh nengakem nedeh idi nemutul amung tulangdeh.

DANIEL 6:7

Amung kai luk ngakem kuanmu, ieh ineh lun ngimet, pengulu, lun luk pa liang pengulu, idi lun mileh ngerawé, idi do' raca' maré aceh ukum luk meberat. Kinio teluh ngepulu' aco, do' mebpeng lemulun na miak mutuh anun-anun luk ratnan allah idi lemulun pana', iamo' miak mutuh ratnan raca' mo' sebuleng. Idé-idé luk ngelaba ukum ini miak talan bang lubang balang.

SEMUIL LUK PUN-PUN 17:51

Idi ieh nupun idi tuped iring bururneh. Idi ieh nengalap pelapet Goliat ineh. Idi ieh nengaleb uluhneh. Kareb amung lun Pilistin nenier lun luk mesangit ineh pangeh naté, idi amungdeh neburo.