ESTER 7:8 - BALA LUK DO'

⁸ Kareb raca' nelemubed rat bang kabun iné' bang takep Ester, Haman siebpeh luun kerusi Ester pian mutuh éi'. Idi raca' nengitang, “Miakké lemulun ini pasét nan Raca' Decur pa kiungku bang ruma'ku ini?” Kareb raca' pangeh nepebala, lun luk pinani' nemapen uluh Haman.

ESTER 7:8 Iomraidhean Croise

ESTER 1:5

Pangeh ineh, raca' ineh nenganau' aceh irau kuan anak itinneh déi' Susa, ieh ineh kuan lun do' idi lun masi' pana'. Bang aceh minggu ideh irau bang kabun luk iring ruma' raca'.

ESTER 1:6

Déi' natad inan tuda'-tuda' dicing kibung luk mebuda' idi mebata', luk inabet ku kibung pu luk sia' merirem nan susing pirak luun diri batu luk mebuda'. Inan kerusi ratnan amas idi pirak déi' luun natad luk inau' ratnan batu luk meraga, ieh ineh luk mesia', mebata', mebuda', idi mitem.

ESTER 6:12

Pangeh ineh Mordekai iné' munung tanga' ruma' raca'. Idi Haman ngebpu kiungneh idi nuli' dengan igu'.

ESTER 7:10

Idi Haman tikito luun ineh luk tinina'neh kuan Mordekai. Pangeh ineh useh raca' nugka'.

AYUB 9:24

Allah nemaré tana' ini kuan lemulun luk dat. Ieh nenganau' amung lun luk mutut besara' mebuser. Idi kudeng na ini inau' Allah, idé luk nenganau' ineh?

YESAYA 22:17

Kian, iko lun rayeh lek, iamo' Tuhan miak ngalap namu idi nala' namu

YESAYA 49:23

Raca'-raca' miak mangun mepad kudeng tamanmu; raca'-raca' decur ngasa' namu mepad kudeng aceh tinan. Ideh tekeradung pa kiungmu idi ngedita' namu, dengan mebeneh niat. Iko miak kali' idi Ui ini Tuhan. Lemulun luk merapet ku pedenganKu kali' rungen denganin.”

AMOS 3:12

Kebala Tuhan, “Mepad kudeng lun luk matar dumba ngalap dueh kukud idi sebuleng lalid dumba luk kinan balang, kudeng ineh teh Allah miak ngulun teceh pupu Israil luk telubid luun bitaran luk do' déi' Samaria.

MARKUS 14:65

Idi ideh nengimun ngelica' Neneh, idi ideh nengakeb kiungNeh, idi nemukut Neneh, kebaladeh, “Do' Iko mada' idé luk mukut Namu!” Idi lun pulis ineh pana' nengakem Neneh Idi nemepag kiungNeh.